chāñdnī raat ke āñchal meñ sitāre hoñge

ham to tanhā tirī yādoñ ke sahāre hoñge

chandni raat ke aanchal mein sitare honge

hum to tanha teri yaadon ke sahaare honge

qarār kī justujū meñ the aur taḌap rahe haiñ ajal ke aage

thī be-qarārī ḳhumār jin kā nikal ga.e haiñ sañbhal ke aage

qarar ki justuju mein the aur taDap rahe hain ajal ke aage

thi be-qarari KHumar jin ka nikal gae hain sanbhal ke aage

maiñ zaar zaar shab-e-intizār meñ tanhā

'ufuq kā rang mirī chashm ke ayāġh meñ hai

main zar zar shab-e-intizar mein tanha

'ufuq ka rang meri chashm ke ayagh mein hai

sameT kar tirī yādoñ kī reshmī kirneñ

shab-e-firāq meñ hai māhtāb merā dil

sameT kar teri yaadon ki reshmi kirnen

shab-e-firaq mein hai mahtab mera dil

TuuT ke ashk barasne kā hai manzar har roz

dil pe kab chhā.ī thī hasrat kī ghaTā yaad nahīñ

TuT ke ashk barasne ka hai manzar har roz

dil pe kab chhai thi hasrat ki ghaTa yaad nahin

loriyāñ terī hī sun kar niiñd aatī thī mujhe

ik parī āġhosh meñ har shab sulātī thī mujhe

loriyan teri hi sun kar nind aati thi mujhe

ek pari aaghosh mein har shab sulati thi mujhe

roza-dāroñ ke liye terī ziyā tamhīd hai

us ḳhushī kī naam is duniyā meñ jis kā 'iid hai

roza-daron ke liye teri ziya tamhid hai

us KHushi ki nam is duniya mein jis ka 'id hai

dil mujhe le ke chalā hai usī mahfil meñ jahāñ

mumtahin hogā koī koī muhāsib hogā

dil mujhe le ke chala hai usi mahfil mein jahan

mumtahin hoga koi koi muhasib hoga