duniyā ke jo maze haiñ hargiz vo kam na hoñge

charche yūñhī raheñge afsos ham na hoñge

duniya ke jo maze hain hargiz wo kam na honge

charche yunhi rahenge afsos hum na honge

jise ishrat-kada-e-dahr samajhtā thā maiñ

āḳhir-e-kār vo ik ḳhvāb-e-pareshāñ niklā

jise ishrat-kada-e-dahr samajhta tha main

aaKHir-e-kar wo ek KHwab-e-pareshan nikla

yaktā.ī pe hai naaz to itnā bhī rahe yaad

tum sā mujhe to tum ko bhī mujh sā na milegā

yaktai pe hai naz to itna bhi rahe yaad

tum sa mujhe to tum ko bhi mujh sa na milega

burā ho yā-ilāhī dil-lagī kā

ghaTā kī umr aur ulfat baḌhā kī

bura ho ya-ilahi dil-lagi ka

ghaTa ki umr aur ulfat baDha ki