sab ne maanā marne vaalā dahshat-gard aur qātil thā

maañ ne phir bhī qabr pe us kī rāj-dulārā likkhā thā

sab ne mana marne wala dahshat-gard aur qatil tha

man ne phir bhi qabr pe us ki raj-dulara likkha tha

kuchal kuchal ke na fōt-pāth ko chalo itnā

yahāñ pe raat ko mazdūr ḳhvāb dekhte haiñ

kuchal kuchal ke na foot-path ko chalo itna

yahan pe raat ko mazdur KHwab dekhte hain

maiñ huuñ bhī to lagtā hai ki jaise maiñ nahīñ huuñ

tum ho bhī nahīñ aur ye lagtā hai ki tum ho

main hun bhi to lagta hai ki jaise main nahin hun

tum ho bhi nahin aur ye lagta hai ki tum ho

jo dikh rahā usī ke andar jo an-dikhā hai vo shā.erī hai

jo kah sakā thā vo kah chukā huuñ jo rah gayā hai vo shā.erī hai

jo dikh raha usi ke andar jo an-dikha hai wo shaeri hai

jo kah saka tha wo kah chuka hun jo rah gaya hai wo shaeri hai

vo jin daraḳhtoñ kī chhāñv meñ se musāfiroñ ko uThā diyā thā

unhīñ daraḳhtoñ pe agle mausam jo phal na utre to log samjhe

wo jin daraKHton ki chhanw mein se musafiron ko uTha diya tha

unhin daraKHton pe agle mausam jo phal na utre to log samjhe

zarūratoñ ke mutābiq du'ā badalte rahe

ye log ḳhud nahīñ badle ḳhudā badalte rahe

zaruraton ke mutabiq du'a badalte rahe

ye log KHud nahin badle KHuda badalte rahe

ḳhudā ke naam pe dete na the so tang aa kar

qamīz phaaḌ lī thoḌī sī ik bhikāran ne

KHuda ke nam pe dete na the so tang aa kar

qamiz phaD li thoDi si ek bhikaran ne

mire hī vāste merā ye ġham tamāshā hai

tumhārā hijr ḳhudā kī qasam tamāshā hai

mere hi waste mera ye gham tamasha hai

tumhaara hijr KHuda ki qasam tamasha hai

nikal ke shahroñ meñ aa bhī jaanā chamakte ḳhvāboñ ko saath le kar

buland-o-bālā 'imāratoñ meñ phir apne gaañv talāsh karnā

nikal ke shahron mein aa bhi jaana chamakte KHwabon ko sath le kar

buland-o-baala 'imaraton mein phir apne ganw talash karna

tum aaj tak nahīñ samjhe to ab samajh jaao

zamīñ kī baat nahīñ thī ḳhudā ke naam kī thī

tum aaj tak nahin samjhe to ab samajh jao

zamin ki baat nahin thi KHuda ke nam ki thi

vo apne sūraj to kyā jalāte mire charāġhoñ ko bech Daalā

furāt apne bachā ke rakkhe mirī sabīleñ faroḳht kar diiñ

wo apne suraj to kya jalate mere charaghon ko bech Dala

furaat apne bacha ke rakkhe meri sabilen faroKHt kar din

ye kyā ki sūraj pe ghar banānā phir us pe chhāñv talāsh karnā

khaḌe bhī honā to daldaloñ pe phir apne paañv talāsh karnā

ye kya ki suraj pe ghar banana phir us pe chhanw talash karna

khaDe bhi hona to daldalon pe phir apne panw talash karna

nazar to mujh se milā nāchtī huī laḌkī

badan nahīñ tirī āñkhoñ kā nam tamāshā hai

nazar to mujh se mila nachti hui laDki

badan nahin teri aankhon ka nam tamasha hai