janm letī haiñ na.ī ḳhvāhisheñ jab bhī dil meñ

muflisī hai ki vahīñ haath pakaḌ letī hai

janm leti hain nai KHwahishen jab bhi dil mein

muflisi hai ki wahin hath pakaD leti hai

har kisī shaḳhs ke muāfiq hai

aisā lagtā hai tū munāfiq hai

har kisi shaKHs ke muafiq hai

aisa lagta hai tu munafiq hai

us ne jab se haath pakaḌnā chhoḌ diyā

tab se ham ne saath meñ chalnā chhoḌ diyā

us ne jab se hath pakaDna chhoD diya

tab se hum ne sath mein chalna chhoD diya

kitnī be-rang zindagī hai mirī

'ishq ke rang yaar bhar do nā

kitni be-rang zindagi hai meri

'ishq ke rang yar bhar do na

hai in meñ kaisā jaadū boltī haiñ

tirī āñkheñ bhī urdu boltī haiñ

hai in mein kaisa jadu bolti hain

teri aankhen bhi urdu bolti hain

terī ḳhātir jo huī us har shahādat ko salām

sarzamīn-e-hind terī shān-o-shaukat ko salām

teri KHatir jo hui us har shahadat ko salam

sarzamin-e-hind teri shan-o-shaukat ko salam

tumhāre jaisā na dekhā koī mire hamdam

hasīn yuuñ to jahāñ meñ mujhe hazār mile

tumhaare jaisa na dekha koi mere hamdam

hasin yun to jahan mein mujhe hazar mile

kabhī ziyāda kabhī kam udaas rahtā huuñ

tumhārī yaad meñ har dam udaas rahtā huuñ

kabhi ziyaada kabhi kam udas rahta hun

tumhaari yaad mein har dam udas rahta hun

un kī hazār koshisheñ aur zid alag rahī

apnī to DeḌh iiñT kī masjid alag rahī

un ki hazar koshishen aur zid alag rahi

apni to DeDh inT ki masjid alag rahi

saudā kabhī zamīr kā maiñ ne kiyā nahīñ

sad-shukr maiñ bhī 'ishq meñ tājir huā nahīñ

sauda kabhi zamir ka main ne kiya nahin

sad-shukr main bhi 'ishq mein tajir hua nahin

ye kaisā bojh hai bhārī hai dil par

'ajab sī kaifiyat taarī hai dil par

ye kaisa bojh hai bhaari hai dil par

'ajab si kaifiyat tari hai dil par

tum jo chāho vo karte phirte ho

saarī pābandiyāñ hamī par haiñ

tum jo chaho wo karte phirte ho

sari pabandiyan hami par hain

uf sitamgar tirī adā.eñ bhī

yaad aatī haiñ dil jalātī haiñ

uf sitamgar teri adaen bhi

yaad aati hain dil jalati hain

jaane vaalā chalā gayā to kyoñ

us ke jaane kā ġham kiyā jaa.e

jaane wala chala gaya to kyon

us ke jaane ka gham kiya jae

tire karam se jo dāman hamāre bhar jaa.eñ

hasad kī aag meñ jal jal ke log mar jaa.eñ

tere karam se jo daman hamare bhar jaen

hasad ki aag mein jal jal ke log mar jaen

ab zindagī se koī bhī shikva nahīñ mujhe

tū mil gayā to koī tamanna nahīñ mujhe

ab zindagi se koi bhi shikwa nahin mujhe

tu mil gaya to koi tamanna nahin mujhe

terā ā.īna kah rahe haiñ mujhe

merī tasvīr dekhne vaale

tera aaina kah rahe hain mujhe

meri taswir dekhne wale

vo dekho log shiin alif 'ain re hue

ham 'ain shiin qaaf meñ uljhe hī rah ga.e

wo dekho log shin alif 'ain re hue

hum 'ain shin qaf mein uljhe hi rah gae

kisī tarah to hamārā visāl ho jaa.e

agarche is ke liye intiqāl ho jaa.e

kisi tarah to hamara visal ho jae

agarche is ke liye intiqal ho jae

chaman meñ jaise ho bulbul ye aise chahchahātī hai

agar beTī na ho ghar meñ to ghar achchhā nahīñ lagtā

chaman mein jaise ho bulbul ye aise chahchahati hai

agar beTi na ho ghar mein to ghar achchha nahin lagta

ek ham haiñ ki zaḳhm jhelte haiñ

ek vo haiñ ki dil se khelte haiñ

ek hum hain ki zaKHm jhelte hain

ek wo hain ki dil se khelte hain

zindagī misl-e-kahkashāñ hotī

kaash merī bhī aaj maañ hotī

zindagi misl-e-kahkashan hoti

kash meri bhi aaj man hoti

ham aise saare subūtoñ ko phaaḌ Dāleñge

hamāre biich meñ jo bhī darāḌ Dāleñge

hum aise sare subuton ko phaD Dalenge

hamare bich mein jo bhi daraD Dalenge

dil kā mire parinda tumhāre qafas meñ thā

jab tak tumhārā haath mirī dastaras meñ thā

dil ka mere parinda tumhaare qafas mein tha

jab tak tumhaara hath meri dastaras mein tha

jin ko apnā samajh rahe the ham

rang un ko badalte dekh liyā

jin ko apna samajh rahe the hum

rang un ko badalte dekh liya

qīmat lagā rahe haiñ jo dīdār-e-yār kī

vāqif nahīñ haiñ vo abhī rāhoñ se pyaar kī

qimat laga rahe hain jo didar-e-yar ki

waqif nahin hain wo abhi rahon se pyar ki

kaise use pata ho ki mamtā 'azīm hai

ham jaisā kam-sinī se jo bachcha yatīm hai

kaise use pata ho ki mamta 'azim hai

hum jaisa kam-sini se jo bachcha yatim hai

ḳhatā kar ke jo sharminda nahīñ hai

zamīr us shaḳhs kā zinda nahīñ hai

KHata kar ke jo sharminda nahin hai

zamir us shaKHs ka zinda nahin hai

tumhārī yaad meñ ai jān-e-jānāñ

december bhī guzartā jā rahā hai

tumhaari yaad mein ai jaan-e-jaanan

december bhi guzarta ja raha hai

kis kī ḳhushbū se mo'attar ye fazā hone lagī

gul-badan kaun ye guzrā hai galī se merī

kis ki KHushbu se mo'attar ye faza hone lagi

gul-badan kaun ye guzra hai gali se meri

tum apne 'ishq se qīmat baḌhā do

hamārā bhaav sastā chal rahā hai

tum apne 'ishq se qimat baDha do

hamara bhaw sasta chal raha hai

fikr zehnī sukūn chāhtī hai

shā'irī dil kā ḳhuun chāhtī hai

fikr zehni sukun chahti hai

sha'iri dil ka KHun chahti hai

falak pe chāñd chamaktā hai dasht meñ jaise

yuuñ raah meñ tirī paa.el huī hai misl-e-charāġh

falak pe chand chamakta hai dasht mein jaise

yun rah mein teri pael hui hai misl-e-charagh

lauT aanā tirā mumkin nahīñ gar chārāgar

apne bīmār ko phir zahr pilā jā thoḌā

lauT aana tera mumkin nahin gar chaaragar

apne bimar ko phir zahr pila ja thoDa

TimTimāte the jo charāġh kabhī

ab vo qindīl hone vaale haiñ

TimTimate the jo charagh kabhi

ab wo qindil hone wale hain

ai chārāgar ye kaisī haiñ davā.eñ

mirī taklīf baḌhtī jā rahī hai

ai chaaragar ye kaisi hain dawaen

meri taklif baDhti ja rahi hai

vo mujh ko pilā.eñ jo kabhī haath se apne

phir jaam hī kyā zahr bhī pī jā.ūñ ḳhushī se

wo mujh ko pilaen jo kabhi hath se apne

phir jam hi kya zahr bhi pi jaun KHushi se

mast kar detī hai vo aañkh gulābī mujh ko

haañ unhoñ ne hī banāyā hai sharābī mujh ko

mast kar deti hai wo aankh gulabi mujh ko

han unhon ne hi banaya hai sharabi mujh ko

ab zindagī se koī bhī shikva nahīñ mujhe

tū mil gayā to koī tamanna nahīñ mujhe

ab zindagi se koi bhi shikwa nahin mujhe

tu mil gaya to koi tamanna nahin mujhe

aa.ina laao ki maiñ bhī to zarā dekhūñ use

log kahte haiñ mirī āñkhoñ meñ dikhtā hai vo

aaina lao ki main bhi to zara dekhun use

log kahte hain meri aankhon mein dikhta hai wo

bhuul jāoge har adā apnī

gar mire yaar kī adā dekho

bhul jaoge har ada apni

gar mere yar ki ada dekho

jahāñ kī bhiiḌ meñ hote hue bhī tanhā huuñ

ḳhudā kisī ko bhī tanhā mirī tarah na kare

jahan ki bhiD mein hote hue bhi tanha hun

KHuda kisi ko bhi tanha meri tarah na kare

ham se rindoñ ko milā hai mai-kada

shaiḳh jī ko pārsā.ī mil ga.ī

hum se rindon ko mila hai mai-kada

shaiKH ji ko parsai mil gai

kyā zarūrat ho unheñ merī ḳhabar lene kī

ek maiñ hī to nahīñ mujh se hazāroñ haiñ vahāñ

kya zarurat ho unhen meri KHabar lene ki

ek main hi to nahin mujh se hazaron hain wahan

ab mujh ko gavārā nahīñ soz-e-ġham-e-furqat

maiñ tere binā hijr meñ mar jā.ūñgā ik din

ab mujh ko gawara nahin soz-e-gham-e-furqat

main tere bina hijr mein mar jaunga ek din

lauT kar aa.e vo vīrāna-e-hastī dekhe

jis kī ḳhvāhish thī ki barbād kiyā jaa.e mujhe

lauT kar aae wo virana-e-hasti dekhe

jis ki KHwahish thi ki barbaad kiya jae mujhe

shāmil hamārā ḳhuun bhī ḳhāk-e-vatan meñ hai

miTTī isī zamīñ kī hamāre badan meñ hai

shamil hamara KHun bhi KHak-e-watan mein hai

miTTi isi zamin ki hamare badan mein hai

'ishq meñ intihā kī had na huī

'āshiqī terī mustanad na huī

'ishq mein intiha ki had na hui

'ashiqi teri mustanad na hui

aaj bhī siine se aatī hai tumhārī ḳhushbū

tum ne ik baar jo siine se lagāyā thā mujhe

aaj bhi sine se aati hai tumhaari KHushbu

tum ne ek bar jo sine se lagaya tha mujhe

yuuñ to vujūd hai mirā duniyā kī bhiiḌ se

tanhā nahīñ hai mujh sā magar kā.enāt meñ

yun to wujud hai mera duniya ki bhiD se

tanha nahin hai mujh sa magar kaenat mein