terī āñkhoñ ke kaif se saaqī

raqs meñ hai tamām mai-ḳhāna

teri aankhon ke kaif se saqi

raqs mein hai tamam mai-KHana

ham rahe haiñ manziloñ hī manziloñ meñ umr bhar

jaise qismat meñ kisī pahlū shakebā.ī na thī

hum rahe hain manzilon hi manzilon mein umr bhar

jaise qismat mein kisi pahlu shakebai na thi

vo log jo ki ma.āl-e-chaman se vāqif haiñ

ḳhizāñ-nasīb guloñ kī bahār kyā dekheñ

wo log jo ki maal-e-chaman se waqif hain

KHizan-nasib gulon ki bahaar kya dekhen