الیاس سیتاپوری اردو کے وہ تاریخی ناول نگار تھے جنھوں نے منفرد انداز کے تاریخی ناول لکھے جن نالوں کو پڑھ کر تاریخی کی حقیقت کی عکاسی ہوتی ہے۔ حرم سرا، راگ کا بدن، اندر کا آدمی، چاند کا خدا، بالاخانے کی دلہن، پارسائی کا خمار، آوارہ گرد بادشاہ ، اور انوکھی جنگ جیسے ناول لکھے جو پاکستان کے ساتھ ساتھ ہندوستان میں شمع بکڈپو (نئی دہلی) نے شائع کیں۔ ان کی کہانیوں میں تاریخ کے تمام پہلو نہایت مہارت اور چابکدستی کے ساتھ پائے جاتے ہیں۔ علم و ادب، سیاست، اخلاقیات، معاشیات اور ثقافت کی روح ان کی کہانیوں میں اس طرح پیوست اور مربوط ملے گی کہ قاری کو ان کی سچائی پر شبہ تک نہیں ہوتا ،ان کے ناولوں کی ایک خوبی بھی ہے کہ جو کہانی جس ملک اور جس زمانے سے متعلق ہوتی ہے اس کا لب و لہجہ، کرداروں کا اندازِ گفتگو، تشبیہہ اور استعارے، محاورات اور امثال اس ملک اور اس زمانے سے متعلق استعمال کیے جاتے ہیں۔ زیر نظر کتاب "چنگیز خاں" بھی ان کا تاریخی ناول ہے۔ جس میں نہایت ہی دلچسپ اور پر تجسس انداز میں چنگیز خان کی زندگی کا احاطہ کیا گیا ہے۔ ناول میں سوانح اور تاریخ کو بہت بیلنس میں رکھا گیا ہے۔