دخمہ

مقام اشاعت : دلی, انڈیا

سن اشاعت : 2015

زبان : Urdu

موضوعات : افسانہ

صفحات : 169

معاون : بیگ احساس

For any query/comment related to this ebook, please contact us at haidar.ali@rekhta.org

کتاب: تعارف

"دخمہ"بیگ احساس کے افسانوں کا تیسرا مجموعہ ہے،اس مجموعہ میں شامل افسانوں کو 1970 کے بعد جدیدت کے حوالے سے اٹھنے والی آوازوں کا رد عمل قرار دیا گیا ہے، اس مجموعہ میں شامل ہر افسانہ اپنی ایک الگ کائنات رکھتاہے۔بیگ احساس نے ’دخمہ‘ کی گیارہ کہانیوں میں زندگی کے متنوع پہلوئوں کو پیش کرکے کینوس کی وسعت کا بے پناہ خوبصورت مظاہرہ کیاہے۔وہ زندگی اور معاشرے کے ہر مسئلے کی تصویر کشی میں مہارت رکھتے ہیں۔انہیں پتہ ہوتا ہے کہ کس موضوع کو کس اسلوب یا تکنیک میں بہتر طور پر پیش کیا جاسکتاہے۔اس لئے وہ کہیں علامتی ،کہیں استعاراتی اور کہیں واضح بیانیہ سے کام لے کر اپنی کہانیوں کو غیر معمولی تاثر عطا کرتے ہیں۔موضوع کے حوالے سے دیکھا جائے تو سب سے زیادہ اسی مجموعہ نے لوگوں کو اپنی طرف متوجہ کیاہے۔محفلوں میں گفتگو کا مرکز بھی زیادہ تر کہانی ’’دخمہ‘‘ ہی رہی ہے۔

.....مزید پڑھئے

مصنف: تعارف

عثمانیہ یونیورسٹی و حیدرآباد سنٹرل یونیورسٹی کے سابق صدر شعبہ اردو پروفیسر بیگ احساس جو بیک وقت محقق، نقاد ، استاد ادیب اور مقرر ہیں۔ پروفیسر بیگ احساس نے اپنے ادبی سفر کا آغاز افسانہ نگاری سے کیا اور گذشتہ تین دہائیوں میں انہوں نے جدیدڈکشن میں ایسی کہانیاں لکھیں ہیں کہ اردو جدید افسانہ کے موضوع پر گفتگو بیگ احساس کے حوالے کے بغیر ادھوری رہ جائے گی۔ ’’ حنظل‘‘ (کہانیوں کا مجموعہ) ان کے فن کا روشن نمائندہ ہے۔ تدریسی صلاحیت میں یہ اپنی انفرادیت رکھتے ہیں۔ ایم اے ایم فل کے علاوہ پی ایچ ڈی کی سطح پر ان کے شاگردوں میں چند ایک نامور شاعر وادیب بھی ہیں۔ ان کے مقالہ ’’ کرشن چندر شخصیت اور فن ‘‘ کے حوالے سے بیگ احساس کے تحقیقی معیار کو دنیائے ادب نے تسلیم کیا ہے۔ جامعہ عثمانیہ کی فاصلاتی تعلیم کے نصاب کی ترتیب اور دیگر اداروں کی نصابی کتب کی ترتیب کے حوالے سے بیگ احساس کو ماہرین تعلیم کی صف میں شمار کیا جاسکتا ہے۔ فن افسانہ نگاری کے میدان میں اپنے آپ کو منوانے کے بعد بیگ صاحب نے تنقید کے میدان میں قدم رکھتے ہی اپنی سنجیدہ متوازن ، متنی تنقیدکے پیمانوں سے معمور مدلل اور بصیرت افروز نکات کے حوالے سے ہندوستان کے شمال اور جنوب دونوں سمتوں میں اعتبار واحترام کے حامل ہوگئے۔

.....مزید پڑھئے

For any query/comment related to this ebook, please contact us at haidar.ali@rekhta.org