ہندوستان عہد مغلیہ میں

کتاب: تعارف

مغلیہ شاہوں پر یہ ایک مفصل کتاب ہے جسے مسٹر نکولاس منوچی کا سفر نامہ بھی کہا جا سکتا ہے جنہوں نے وینس (اٹلی) سے ہندوستان کا سفر کیا اور یہاں پر ایک طویل مدت تک قیام کیا اور اپنے سفر نامے کو "سٹور یا ڈوموگر" کے نام سے مرتب کیا۔ جس میں انہوں نے اپنے مشاہدات کو چند حصوں میں منقسم کر کے لکھا ہے۔ سب سے پہلے انہوں نے وینس سے چلکر دہلی پہونچنے تک کے حالات درج کئے ہیں اور پھر مغلیہ بادشاہوں کے حالات اورنگزیب کے عہد تک درج کئے ہیں اور اورنگزیب کا بھائیوں کو قتل کرنا اور اور اس کی تخت نشینی کو درج کیا ہے۔ پھر اورنگزیب کی فتوحات، جنگوں اور اس کی کامیابیوں کو درج کیا ہے اس کے بعد مغلیہ سلطنت کی پالٹکس اور ہندو راجاؤں کی شان و شوکت وغیرہ کا ذکر کیا ہے۔ یہ اصل میں اورنگ زیب کے عہد کی مفصل تاریخ ہے جسے مصنف نے آنکھوں سے دیکھا ہے۔

.....مزید پڑھئے

by نکولاس منوچی