پرندوں کے بارے میں معلومات فراہم کرتی یہ کتاب دلچسپ ہے۔اس کتاب کی اشاعت کا مقصد میں پرندوں کی تجارت کے بارے میں معلومات فراہم کرانا ہے۔اس کتاب کے مطالعے سے پرندوں کی دیکھ بھال،غذا، علاج،اور ان کی پرورش کرنے کے طریقے سے واقفیت ہوجاتی ہے۔ یہ کتاب اس وقت شائع ہوئی جب مسلمانوں میں بے کاری عام ہورہی تھی اور وہ آریہ سماج کا چرچہ زوروں پر تھا۔آریہ سماج کے روپیے کے لالچ میں کئی مسلمانوں کے بے دین ہونے کا اندیشہ تھا۔اس لیے اس کتاب کو شائع کرتے ہوئے،مسلمانوں کو تجارت کی طرف راغب کیا گیا۔پرندے خصوصا مرغیوں اورکبوتروں کی پرورش اوران کی تجارت کا صحیح طریقہ بتایا گیا ہے۔یہ تجارت وہ لوگ آسانی سے کرسکتے ہیں جن کے پاس زمین اور افراط موجود ہے۔یہ کتاب ہمارے قدیم دور کی ایک اہم کتاب ہے جس میں تصاویری خاکوں کے ذریعہ مرغیوں کے لیے ڈربے،بطخوں کے لیے تالاب اور ڈربے کےنقشے اور پرندوں کے لیے کون کونسی غذائیں ضرروی ہیں اور کیوں ضروری ہیں۔ان ساری باتوں کی تفصیلات درج ہیں۔یہ کتاب آج بھی ان لوگوں کے لیے کارآمد ہے جو پرندے پالنے کا شوق رکھتے ہیں۔