اردو ادب میں انگریزی ادب کے اثر ات بہت ہی زیادہ ہیں ایسے میں اردو کے قاری کوچاہیے کہ وہ انگریزی ادب کی تاریخ سے بھی واقف ہو ۔اس کتاب میں انگر یزی کی طویل ترین تاریخ کو بہت ہی مختصر انداز میں پیش کیا گیا ہے ۔ کسی بھی ادب کی روح تک پہنچنے اور اس کے اسرار و رموز کے عرفان کے لیے براہ راست اس کے ادب کامطالعہ ضرور ی ہوتا ہے لیکن اس زبان سے آپ واقف نہیں ہیں تو پھر اس ترجمہ شدہ تنقید و تاریخ کا ہی سہارا لینا پڑتا ہے ۔ایسے میں جو لوگ انگریزی ادب کے براہ راست مطالعہ سے قاصر ہیں ان کے لیے بہت ہی اختصار کے ساتھ اس کتاب میں معلومات فراہم کی گئی ہیں ۔ اس کتاب کے ذریعہ مغربی ادب کی تحریکوں اور فنی تجر بوں سے واقفیت حاصل کر سکتے ہیں ساتھ ہی وہاں کی مختلف اصناف ادب اور ان کے تخلیق کاروں کو بھی جان سکتے ہیں ۔ عہد بعہد اس کتاب میں اختصار سے سب کچھ پیش کیا گیا ہے. جب مطالعہ شروع کر یں گے تو یہ احساس ہوگا کہ ارد و ادب کے خوشہ چیں نے کیا کیا استفادہ کیا ہے ۔