یہ تاریخ اسلامی عہد کے قرن اول کی تاریخ ہے ۔جس میں آغاز اسلام سے لیکر خلافت راشدہ تک کے مذہبی ، سیاسی، تمدنی اور علمی تاریخ کو بیان کیا گیا ہے ۔ سب سے پہلے اس عرب کا کچھ حال ہے جسے دورہ جاہلیت کے نام سے جانا جاتا ہے اس کی تاریخ جغرافیہ اور دیگر معروف حوادث اس کے ساتھ ساتھ قریش کے نظام کی تاریخ پر بحث ہے ۔ اس کے بعد نبی اکرم صلعم کی ولادت سعادت کا تذکرہ ہے پھر بعثت اور دین اسلام کے ظاہر ہونے کی تاریخ بیان کی گئی ہے ۔ پھر ہجرت مدینہ پر گفتگو ہے اس کے بعد غزوات کا ذکر کیا گیا ہے پھر مذہبی انتظامات اور دعوت اسلام کی مفصل تاریخ بیان کی ہے ۔ اس کے بعد حجۃ الوداع ، وفات ، ازواج مطہرات ، اولاد و امجاد کا ذکر ہے ۔ پھر خلافت ابوبکر ، ان کی فتوحات ، نظام خلافت، خلاافت عمر بن خطاب ، فتوحات ، فاروقی کارنامے ، خلافت عثمان بن عفان ، انقلاب اور شہادت عثمان ، علی بن ابی طالب ، حسن بن علی کا ذکر کیا گیا ہے۔ الغرض کتاب اپنے موضؤع پر جامع ترین کتاب ہے ۔ تاریخ اسلام کا مطالعہ کرنے والے اس کی طرف متوجہ ہو سکتے ہیں۔ زیر نظر تاریخ اسلام کی جلد اول ہے۔