"توقیتِ پریم چند "پریم چند کی سوانحی عمری ہے جس کو مانک ٹالا نے تحریر کیا ہے۔ جس کا خیال مصنف کو پریم چند پر چار تحقیقی کتابیں شائع کرانے کے بعدآیا۔زیر نظر کتاب میں زمانی ترتیب سے پریم چند کے حالات زندگی کے ساتھ ساتھ اُن کے افسانوی مجموعوں، ناولوں ،مضامین اور کہانیوں کو بھی مستند ترین حوالوں کے ساتھ پیش کر دیا ہے۔ انہیں پیش کرنے کے لیےمصنف نے حتی الوسع حزم و احتیاط سے کام لیا ہے اور اعتراف بھی کیا ہے کہ کہیں کہیں تحقیق کی غلطیاں در آئی ہوں کیونکہ پریم کا سرمایہ ادب اس قدر پھیلا ہوا ہے کہ" پریم چندیات" کی تحقیق میں کہیں نہ کہیں ان غلطیوں کے در آنے کا احتمال رہتا ہے۔ مصنف اس کو مزید کار آمد بنانے کے لیے اس کے آخر میں پریم چند کے ہند ی اور اردو کے افسانوی مجموعوں ،ناولوں ،ڈراموں وغیرہ کی مبسوط تفصیل پیش کی ہے۔ساتھ ہی زمانہ اور کچھ دیگر رسائل کے مختلف شماروں کا مطالعہ کرکے ان سے جو جانکاری فراہم ہوئی ہے انہیں بھی شامل کیا گیا ہے۔