Editor : Dr. Aqeel Ahmad

Shumara Number: Shumara Number-002

Publisher : Dr. Aqeel Ahmad

Origin : Delhi (City), Other (District), Other (State), India (Country)

Year of Publication : 2006

Language : Urdu

Pages : 164

Contributor : Sharib Rudaulvi

Month : June, November

Jahan-e-Ghalib

About The Magazine

"جہانِ غالب" غالب اکیڈمی دہلی کا ترجمان ہے۔ یہ ایک ششماہی رسالہ ہے جس کا پہلا شمارہ دسمبر ۲۰۰۵ میں شائع ہوا۔ اس رسالے کے ایڈیٹر، پرنٹر اور پبلشر غالب اکیڈمی کے سکریٹری ڈاکٹر عقیل احمد ہیں۔ پہلے شمارہ کی قیمت فی پرچہ ۲۵ روپے تھی جسے بعد ازاں ۲۰ روپے کردیا گیا۔ یہ رسالہ غالب اکیڈمی، بستی حضرت نظام الدین دہلی، ۱۳ سے شائع ہوتا ہے۔ چوںکہ رسالے کا براہِ راست تعلق غالب اکیڈمی سے ہے لہٰذا اس ادارے کے اغراض و مقاصد کا بیان دلچسپی سے خالی نہ ہوگا۔ "غالب اکیڈمی" کا قیام بیسویں صدی کے وسط میں حکیم عبد الحمید نے کیا۔ اس سوسائٹی میں کرنل بشیر حسین زیدی، ڈاکٹر یوسف حسین خاں، قاضی عبدالودود، مالک رام، کنور مہدی سنگھ بیدی، خواجہ احمد فاروقی، پرتھوی چند، گوپی ناتھ امن، خواجہ غلام السیدین وغیرہ شامل ہوئے۔ اس سوسائٹی کا رجسٹرڈ آفس ہمدرد منزل لال کنواں دہلی -۶ میں تھا۔ سوسائٹی کے صدر حکیم عبد الحمید صاحب نے مزارِ غالب سے ملحق قطعہ اراضی خرید کر وہاں غالب اکیڈمی کی عمارت تعمیر کروائی۔ جس کا افتتاح اس وقت کے صدرِ جمہوریہ ذاکر حسین کے ہاتھوں ۲۲ فروری ۱۹۶۹ کو ہوا۔ غالب اکیڈمی کا مقصد، درون و بیرون ملک میں یاد گارِ غالب اور اس سے متعلق اثاثوں کی حفاظت ہے۔ اس مقصد کے پیشِ نظر غالب میوزیم، غالب لائبریری اور آڈیٹوریم بھی بنائے گئے، اور مختلف تقریبات کے ذریعے اس کی بر آوری کی جاتی ہے۔ اکیڈمی کے بانی، حکیم عبد الحمید کی تمنا تھی کہ اکیڈمی کا اپنا ایک ادبی رسالہ بھی ہو اور اس کے لیے انھوں نے "جہانِ غالب" کا نام تجویز کیا تھا۔ وہ کہتے تھے کہ اس نام میں بڑی وسعت ہے۔ اکیڈمی میں جو پروگرام ہوتے ہیں، اور جو مقالے یہاں پڑھے جاتے ہیں، اس کے علاوہ دنیا بھر میں غالب کے تعلق سے جو قابلِ قدر کام ہوتے ہیں وہ اس رسالے میں شائع ہوتے ہیں۔ اس کے علاوہ اکیڈمی کی سرگرمیاں اور غالب کے ہم عصر اور کلاسیکل اردو شعرا سے متعلق مضامین و مقالے بھی اشاعت پذیر ہوتے ہیں۔ اس رسالے کی ترتیب یوں تھی۔ سرِورق پر ٹائٹل کے ساتھ مرزا غالب کی رنگین تصویر، اندرون میں ٹائٹل کے ساتھ یادگارِ حکیم عبد الحمید،نگراں خواجہ حسن نظامی ثانی اور مدیر عقیل احمد کے ساتھ شمارہ نمبر، اگلے صفحے پرفہرست، پھر غالب کی بلیک اینڈ وائٹ ایک اور تصویراور پھر اداریہ کے تحت شمارے میں شامل مضامین کا اجمالاً جائزہ اور پھر مضامین اور سرگرمیاں وغیرہ۔ مضامین ۱۰ سے زیادہ نہ ہوتے اور اس طرح یہ رسالہ سو، سوا سو صفحات پر محیط ہوتا تھا۔ "جہانِ غالب" میں شامل زیادہ تر مضامین کی نوعیت ادبی اور تنقیدی ہوتی تھی۔ مثلا ً جمالیاتِ غالب، ۱۸۵۷ کے واقعات اور غالب، ڈپٹی نذیر احمد کی نثر نگاری،عہدِ حاضر کے ایران میں غالب کی شناخت، بیسوی صدی پر غالب کی شاعری کے اثرات، غالب اور طبِ قدیم، غالب کا سائنسی شعور وغیرہ۔ ان میں زیادہ تر مقالہ جات وہ ہوتے جو اکیڈمی کے پروگراموں میں پڑھے جاتے۔ اس رسالے کے دوسرے شمارے میں صدرِ جمہوریہ ذاکر حسین کی پر مغز تقریر بھی شامل کی گئی تھی جو انھوں نے افتتاح کے موقع پر کی تھی۔ "جہانِ غالب" میں چھپنے والے زیادہ تر مضامین معروف تنقید نگاروں اور غالب شناسوں کے ذریعے پیش کیے جاتے تھے۔ رسالے میں شائع ہونے والے اہم نام یوں ہیں۔ عقیل احمد، شہناز پروین، پروفیسر شکیل الرحمٰن، شمیم حنفی،قاضی افضال حسین،شمس بدایونی،مسعود احمد برکاتی،ارجمند آرا،علی احمد فاطمی،شمس الرحمٰن فاروقی، احمد محفوظ، اسلم پرویز، زبیر رضوی وغیرہ۔

.....Read more

More From Editor

Read the editor's other magazines here.

See More

Most Popular Magazines

Browse this curated collection of most popular magazines and discover the next best read. You can find out popular magazines online on this page, selected by Rekhta for Urdu magazine readers. This page features most popular Urdu magazines.

See More
Speak Now