aaine kahte hain is KHwab ko ruswa na karo

Mahboob Khizan

aaine kahte hain is KHwab ko ruswa na karo

Mahboob Khizan

MORE BYMahboob Khizan

    aa.ine kahte haiñ is ḳhvāb ko rusvā na karo

    aise kho.e hue andāz se dekhā na karo

    kaise aa jaatī hai koñpal pe ye jaadū lakīr

    din guzar jaate haiñ mahsūs karo na karo

    kahīñ dīvār-e-qayāmat kabhī zanjīr-e-azal

    kyā karo ishq-e-ziyāñ-e-kesh meñ aur kyā na karo

    bhāgte jaao kisī samt kisī saa.e se

    tazkira ek hai afsāna-dar-afsāna karo

    phir koī taaza gharauñdā kisī vīrāne meñ

    gaañv ko shahr karo shahr ko vīrāna karo

    bazm-e-imkāñ huī do ghūñT lahū āñkhoñ meñ

    hirs kahtī hai ki kaunain ko paimāna karo

    kyuuñ na ho mujh se shikāyat tumhīñ tum vo ho ki phir

    use jiitā bhī na chhoḌo jise dīvāna karo

    ek raat sahī phuul to khulte haiñ 'ḳhizāñ'

    maut meñ kyā hai ki jiine tamannā na karo

    aaine kahte hain is KHwab ko ruswa na karo

    aise khoe hue andaz se dekha na karo

    kaise aa jati hai konpal pe ye jadu ki lakir

    din guzar jate hain mahsus karo ya na karo

    kahin diwar-e-qayamat kabhi zanjir-e-azal

    kya karo ishq-e-ziyan-e-kesh mein aur kya na karo

    bhagte jao kisi samt kisi sae se

    tazkira ek hai afsana-dar-afsana karo

    phir koi taza gharaunda kisi virane mein

    ganw ko shahr karo shahr ko virana karo

    bazm-e-imkan hui do ghunT lahu aankhon mein

    hirs kahti hai ki kaunain ko paimana karo

    kyun na ho mujh se shikayat tumhin tum wo ho ki phir

    use jita bhi na chhoDo jise diwana karo

    ek hi raat sahi phul to khulte hain 'KHizan'

    maut mein kya hai ki jine ki tamanna na karo

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now