Jaun Eliya's Photo'

Jaun Eliya

1931 - 2002 | Karachi, Pakistan

One of the most prominent modern Pakistani poets, popular for his unconventional ways.

One of the most prominent modern Pakistani poets, popular for his unconventional ways.

jo guzārī na sakī ham se

ham ne vo zindagī guzārī hai

jo guzari na ja saki hum se

hum ne wo zindagi guzari hai

maiñ bhī bahut ajiib huuñ itnā ajiib huuñ ki bas

ḳhud ko tabāh kar liyā aur malāl bhī nahīñ

main bhi bahut ajib hun itna ajib hun ki bas

KHud ko tabah kar liya aur malal bhi nahin

ye mujhe chain kyuuñ nahīñ paḌtā

ek shaḳhs thā jahān meñ kyā

ye mujhe chain kyun nahin paDta

ek hi shaKHs tha jahan mein kya

bahut nazdīk aatī rahī ho

bichhaḌne irāda kar liyā kyā

bahut nazdik aati ja rahi ho

bichhaDne ka irada kar liya kya

kaise kaheñ ki tujh ko bhī ham se hai vāsta koī

ne to ham se aaj tak koī gila nahīñ kiyā

kaise kahen ki tujh ko bhi hum se hai wasta koi

tu ne to hum se aaj tak koi gila nahin kiya

ilaaj ye hai ki majbūr kar diyā jā.ūñ

vagarna yuuñ to kisī nahīñ sunī maiñ ne

ilaj ye hai ki majbur kar diya jaun

wagarna yun to kisi ki nahin suni main ne

kaun is ghar dekh-bhāl kare

roz ik chiiz TuuT jaatī hai

kaun is ghar ki dekh-bhaal kare

roz ek chiz TuT jati hai

kitnī dilkash ho tum kitnā dil-jū huuñ maiñ

kyā sitam hai ki ham log mar jā.eñge

kitni dilkash ho tum kitna dil-ju hun main

kya sitam hai ki hum log mar jaenge

us galī ne ye sun ke sabr kiyā

jaane vaale yahāñ ke the nahīñ

us gali ne ye sun ke sabr kiya

jaane wale yahan ke the hi nahin

merī bāñhoñ meñ bahakne sazā bhī sun le

ab bahut der meñ āzād karūñgā tujh ko

meri banhon mein bahakne ki saza bhi sun le

ab bahut der mein aazad karunga tujh ko

kyā kahā ishq jāvedānī hai!

āḳhirī baar mil rahī ho kyā

kya kaha ishq jawedani hai!

aaKHiri bar mil rahi ho kya

kyā sitam hai ki ab tirī sūrat

ġhaur karne pe yaad aatī hai

kya sitam hai ki ab teri surat

ghaur karne pe yaad aati hai

maiñ rahā umr bhar judā ḳhud se

yaad maiñ ḳhud ko umr bhar aayā

main raha umr bhar juda KHud se

yaad main KHud ko umr bhar aaya

zindagī kis tarah basar hogī

dil nahīñ lag rahā mohabbat meñ

zindagi kis tarah basar hogi

dil nahin lag raha mohabbat mein

apnā rishta zamīñ se rakkho

kuchh nahīñ āsmān meñ rakkhā

apna rishta zamin se hi rakkho

kuchh nahin aasman mein rakkha

ab jo rishtoñ meñ bañdhā huuñ to khulā hai mujh par

kab parind uḌ nahīñ paate haiñ paroñ ke hote

ab jo rishton mein bandha hun to khula hai mujh par

kab parind uD nahin pate hain paron ke hote

kis liye dekhtī ho ā.īna

tum to ḳhud se bhī ḳhūbsūrat ho

kis liye dekhti ho aaina

tum to KHud se bhi KHubsurat ho

tumhārā hijr manā luuñ agar ijāzat ho

maiñ dil kisī se lagā luuñ agar ijāzat ho

tumhaara hijr mana lun agar ijazat ho

main dil kisi se laga lun agar ijazat ho

sochtā huuñ ki us yaad āḳhir

ab kise raat bhar jagātī hai

sochta hun ki us ki yaad aaKHir

ab kise raat bhar jagati hai

yaad use intihā.ī karte haiñ

so ham us burā.ī karte haiñ

yaad use intihai karte hain

so hum us ki burai karte hain

apne sab yaar kaam kar rahe haiñ

aur ham haiñ ki naam kar rahe haiñ

apne sab yar kaam kar rahe hain

aur hum hain ki nam kar rahe hain

mustaqil boltā rahtā huuñ

kitnā ḳhāmosh huuñ maiñ andar se

mustaqil bolta hi rahta hun

kitna KHamosh hun main andar se

ab mirī koī zindagī nahīñ

ab bhī tum merī zindagī ho kyā

ab meri koi zindagi hi nahin

ab bhi tum meri zindagi ho kya

bin tumhāre kabhī nahīñ aa.ī

kyā mirī niiñd bhī tumhārī hai

bin tumhaare kabhi nahin aai

kya meri nind bhi tumhaari hai

har shaḳhs se be-niyāz ho

phir sab se ye kah ki maiñ ḳhudā huuñ

har shaKHs se be-niyaz ho ja

phir sab se ye kah ki main KHuda hun

kaam baat maiñ ne nahīñ

ye mirā taur-e-zindagī nahīñ

kaam ki baat main ne ki hi nahin

ye mera taur-e-zindagi hi nahin

ik ajab haal hai ki ab us ko

yaad karnā bhī bevafā.ī hai

ek ajab haal hai ki ab us ko

yaad karna bhi bewafai hai

shab jo ham se huā muaaf karo

nahīñ thī bahak ga.e hoñge

shab jo hum se hua muaf karo

nahin pi thi bahak gae honge

aaj mujh ko bahut burā kah kar

aap ne naam to liyā merā

aaj mujh ko bahut bura kah kar

aap ne nam to liya mera

mujh ko aadat hai ruuTh jaane

aap mujh ko manā liyā kiije

mujh ko aadat hai ruTh jaane ki

aap mujh ko mana liya kije

ye bahut ġham baat ho shāyad

ab to ġham bhī gañvā chukā huuñ maiñ

ye bahut gham ki baat ho shayad

ab to gham bhi ganwa chuka hun main

aur to kyā thā bechne ke liye

apnī āñkhoñ ke ḳhvāb beche haiñ

aur to kya tha bechne ke liye

apni aankhon ke KHwab beche hain

jān-levā thiiñ ḳhvāhisheñ varna

vasl se intizār achchhā thā

jaan-lewa thin KHwahishen warna

wasl se intizar achchha tha

mujhe ab tum se Dar lagne lagā hai

tumheñ mujh se mohabbat ho ga.ī kyā

mujhe ab tum se Dar lagne laga hai

tumhein mujh se mohabbat ho gai kya

ab to har baat yaad rahtī hai

ġhāliban maiñ kisī ko bhuul gayā

ab to har baat yaad rahti hai

ghaaliban main kisi ko bhul gaya

zindagī ek fan hai lamhoñ ko

apne andāz se gañvāne

zindagi ek fan hai lamhon ko

apne andaz se ganwane ka

kitne aish se rahte hoñge kitne itrāte hoñge

jaane kaise log vo hoñge jo us ko bhāte hoñge

kitne aish se rahte honge kitne itraate honge

jaane kaise log wo honge jo us ko bhate honge

ek to havas rahī hai hameñ

apnī hālat tabāh jaa.e

ek hi to hawas rahi hai hamein

apni haalat tabah ki jae

jurm meñ ham kamī kareñ bhī to kyuuñ

tum sazā bhī to kam nahīñ karte

jurm mein hum kami karen bhi to kyun

tum saza bhi to kam nahin karte

dil taklīf kam nahīñ karte

ab koī shikva ham nahīñ karte

dil ki taklif kam nahin karte

ab koi shikwa hum nahin karte

apne sar ik balā to lenī thī

maiñ ne vo zulf apne sar hai

apne sar ek bala to leni thi

main ne wo zulf apne sar li hai

yuuñ jo taktā hai āsmān ko

koī rahtā hai āsmān meñ kyā

yun jo takta hai aasman ko tu

koi rahta hai aasman mein kya

ḳharch chalegā ab mirā kis ke hisāb meñ bhalā

sab ke liye bahut huuñ maiñ apne liye zarā nahīñ

KHarch chalega ab mera kis ke hisab mein bhala

sab ke liye bahut hun main apne liye zara nahin

ab to us ke baare meñ tum jo chāho vo kah Daalo

vo añgḌā.ī mere kamre tak to baḌī rūhānī thī

ab to us ke bare mein tum jo chaho wo kah Dalo

wo angDai mere kamre tak to baDi ruhani thi

ham ko yāroñ ne yaad bhī na rakhā

'jaun' yāroñ ke yaar the ham to

hum ko yaron ne yaad bhi na rakha

'jaun' yaron ke yar the hum to

yaaro kuchh to zikr karo tum us qayāmat bāñhoñ

vo jo simaTte hoñge un meñ vo to mar jaate hoñge

yaro kuchh to zikr karo tum us ki qayamat banhon ka

wo jo simaTte honge un mein wo to mar jate honge

aaj bahut din ba.ad maiñ apne kamre tak aa niklā thā

juuñ darvāza kholā hai us ḳhushbū aa.ī hai

aaj bahut din baad main apne kamre tak aa nikla tha

jun hi darwaza khola hai us ki KHushbu aai hai

ai shaḳhs maiñ terī justujū se

be-zār nahīñ huuñ thak gayā huuñ

ai shaKHs main teri justuju se

be-zar nahin hun thak gaya hun

koī mujh tak pahuñch nahīñ paatā

itnā āsān hai patā merā

koi mujh tak pahunch nahin pata

itna aasan hai pata mera

kyā takalluf kareñ ye kahne meñ

jo bhī ḳhush hai ham us se jalte haiñ

kya takalluf karen ye kahne mein

jo bhi KHush hai hum us se jalte hain