aankhen bhi mand thin mera dil bhi figar tha

āñkheñ bhī maañd thiiñ mirā dil bhī figār thā

haa.e vo shaḳhs jis kā mujhe intizār thā

mansūb umr-e-rafta ye e.azāz kam nahīñ

ik shaḳhs muntahā-e-ġham-e-e'tibār thā

jab ġhair ke liye na rahā terā lams-e-ġhair

phir terā intizār bhī āñkhoñ pe baar thā

tārīkiyāñ nasīb thiiñ isyān-e-zīst ko

raushan jo thā vo merī vafā kā hisār thā

pahle-pahal jo rabt thā jannat sā apne beach

phir ye khulā vo ishq na thā kār-zār thā

phir yuuñ huā ki us ne bhulā hī diyā mujhe

kartā bhī kyā gila maiñ use iḳhtiyār thā

'āfāq' vo judā bhī huā thā to zo.am se

phir us ko yaad karnā bhī ik shāhkār thā

aankhen bhi mand thin mera dil bhi figar tha

hae wo shaKHs jis ka mujhe intizar tha

mansub umr-e-rafta ye eazaz kam nahin

ek shaKHs muntaha-e-gham-e-e'tibar tha

jab ghair ke liye na raha tera lams-e-ghair

phir tera intizar bhi aankhon pe bar tha

tarikiyan nasib thin isyan-e-zist ko

raushan jo tha wo meri wafa ka hisar tha

pahle-pahal jo rabt tha jannat sa apne beach

phir ye khula wo ishq na tha kar-zar tha

phir yun hua ki us ne bhula hi diya mujhe

karta bhi kya gila main use iKHtiyar tha

'afaq' wo juda bhi hua tha to zoam se

phir us ko yaad karna bhi ek shahkar tha