achchha hai wo bimar jo achchha nahin hota

Mohsin Asrar

achchha hai wo bimar jo achchha nahin hota

Mohsin Asrar

MORE BYMohsin Asrar

    achchhā hai vo bīmār jo achchhā nahīñ hotā

    jab tajribe hote haiñ to dhokā nahīñ hotā

    jis lafz ko maiñ toḌ ke ḳhud TuuT gayā huuñ

    kahtā bhī to vo us ko gavārā nahīñ hotā

    terī tarah aatā hai āñkhoñ meñ tirā ḳhvāb

    sachchā nahīñ hotā kabhī jhūTā nahīñ hotā

    takzīb-e-junūñ ke liye ik shak bahut hai

    bārish samay ho to sitārā nahīñ hotā

    kyā kyā dar-o-dīvār mirī ḳhaak meñ gum haiñ

    par us ko mirā jism gavārā nahīñ hotā

    dil nahīñ hotā mire hone ke sabab se

    dil ke sabab se mirā honā nahīñ hotā

    kis ruḳh se tayaqqun ko tabī.at meñ jagah deñ

    aisā nahīñ hotā kabhī vaisā nahīñ hotā

    ham log jo karte haiñ vo hotā nahīñ hai

    honā jo nazar aatā hai honā nahīñ hotā

    jis din ke guzarte yahāñ raat huī hai

    ai kaash vo din maiñ ne guzārā nahīñ hotā

    jab ham nahīñ hote yahāñ aate haiñ taġhayyur

    jab ham yahāñ hote haiñ zamānā nahīñ hotā

    ham un meñ haiñ jin koī hastī nahīñ hotī

    ham TuuT bhī jaa.eñ to tamāshā nahīñ hotā

    achchha hai wo bimar jo achchha nahin hota

    jab tajribe hote hain to dhoka nahin hota

    jis lafz ko main toD ke KHud TuT gaya hun

    kahta bhi to wo us ko gawara nahin hota

    teri hi tarah aata hai aankhon mein tera KHwab

    sachcha nahin hota kabhi jhuTa nahin hota

    takzib-e-junun ke liye ek shak hi bahut hai

    barish ka samay ho to sitara nahin hota

    kya kya dar-o-diwar meri KHak mein gum hain

    par us ko mera jism gawara nahin hota

    ya dil nahin hota mere hone ke sabab se

    ya dil ke sabab se mera hona nahin hota

    kis ruKH se tayaqqun ko tabiat mein jagah den

    aisa nahin hota kabhi waisa nahin hota

    hum log jo karte hain wo hota hi nahin hai

    hona jo nazar aata hai hona nahin hota

    jis din ke guzarte hi yahan raat hui hai

    ai kash wo din main ne guzara nahin hota

    jab hum nahin hote yahan aate hain taghayyur

    jab hum yahan hote hain zamana nahin hota

    hum un mein hain jin ki koi hasti nahin hoti

    hum TuT bhi jaen to tamasha nahin hota

    Source :
    • Book : shor bhi sannata bhi (rekhta website) (Pg. 114)

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now