ai dost main KHamosh kisi Dar se nahin tha
ai dost main KHamosh kisi Dar se nahin tha
Rajinder Manchanda Bani
MORE BYRajinder Manchanda Bani
ai dost maiñ ḳhāmosh kisī Dar se nahīñ thā
qaa.il hī tirī baat kā andar se nahīñ thā
har aañkh kahīñ daur ke manzar pe lagī thī
bedār koī apne barābar se nahīñ thā
kyuuñ haath haiñ ḳhālī ki hamārā koī rishta
jañgal se nahīñ thā ki samundar se nahīñ thā
ab us ke liye is qadar āsān thā sab kuchh
vāqif vo magar sa.ī mukarrar se nahīñ thā
mausam ko badaltī huī ik mauj-e-havā thī
māyūs maiñ 'bānī' abhī manzar se nahīñ thā
ai dost main KHamosh kisi Dar se nahin tha
qail hi teri baat ka andar se nahin tha
har aankh kahin daur ke manzar pe lagi thi
bedar koi apne barabar se nahin tha
kyun hath hain KHali ki hamara koi rishta
jangal se nahin tha ki samundar se nahin tha
ab us ke liye is qadar aasan tha sab kuchh
waqif wo magar sai mukarrar se nahin tha
mausam ko badalti hui ek mauj-e-hawa thi
mayus main 'bani' abhi manzar se nahin tha
Source:
Hisab-e-Rang (Pg. 62)
- Author: Rajinder Manchanda Bani
-
- Edition: 1976
- Publisher: National Academy, Delhi
- Year of Publication: 1976
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
