aks aankhon mein be-dhiyani ka tha

aks āñkhoñ meñ be-dhiyānī kā thā

yā sabab dil kī bad-gumānī kā thā

bujhtā bujhtā hubāb paanī kā thā

lamha lamha maiñ zindagānī kā thā

kuchh tabī.at bhī zor par thī mirī

kuchh taqāzā bhī naujavānī kā thā

maiñ thā kāmil nazar-shanāsī meñ

zo.am us ko mizāj-dānī kā thā

thā jo khaTkā sā har ghaḌī dil meñ

uzr bas us kī pāsbānī kā thā

ik na.ī tarah be-niyāzī kī thī

ik nayā taur mehrbānī kā thā

ek rasta har ek bastī kā thā

ek unvān har kahānī kā thā

Dūbtī ik sadā sī lahr meñ thī

jāgtā shor sā ravānī kā thā

zad pe aate hī khul gayā hai 'imām'

jo bharam us kī bādbānī kā thā

aks aankhon mein be-dhiyani ka tha

ya sabab dil ki bad-gumani ka tha

bujhta bujhta hubab pani ka tha

lamha lamha main zindagani ka tha

kuchh tabiat bhi zor par thi meri

kuchh taqaza bhi naujawani ka tha

main tha kaamil nazar-shanasi mein

zoam us ko mizaj-dani ka tha

tha jo khaTka sa har ghaDi dil mein

uzr bas us ki pasbani ka tha

ek nai tarah be-niyazi ki thi

ek naya taur mehrbani ka tha

ek rasta har ek basti ka tha

ek unwan har kahani ka tha

Dubti ek sada si lahr mein thi

jagta shor sa rawani ka tha

zad pe aate hi khul gaya hai 'imam'

jo bharam us ki baadbani ka tha