allah ai buto hamein dikhlae lucknow

Wajid Ali Shah Akhtar

allah ai buto hamein dikhlae lucknow

Wajid Ali Shah Akhtar

MORE BYWajid Ali Shah Akhtar

    INTERESTING FACT

    This ghazal of Wajid Ali Shah dates back to the time of Calcutta when he was brought from Lucknow to Calcutta, Matia Burj. In this ghazal, Lucknow, its beauty and its scenery are vividly remembered.

    allāh ai buto hameñ dikhlā.e lucknow

    sote meñ bhī ye kahte haiñ ham haa.e lucknow

    aisā huā huuñ hijr meñ us ke nahīf-o-zār

    dekhe agar mujhe vahīñ sharmā.e lucknow

    aa.e na mere paas to maiñ aap chalūñ

    mujh ko ḳhudā kare kahīñ bulvā.e lucknow

    kalkatta ke hasīnoñ ko jab dekh letā huuñ

    us vaqt dil meñ hotā hai saudā-e-lucknow

    ab luT gayā hai kyā rahā dozaḳh se baḌh ke hai

    rashk-e-bahisht kahte the sab jā-e-lucknow

    ḳhush-chashmī āhuoñ vo bhūle jahān meñ

    dekhe jo aañkh nargis-e-shahlā-e-lucknow

    gulshan ajab bahār ke har qasr rashk-e-ḳhuld

    aur gomtī ġhazab hai dariyā-e-lucknow

    hūr-o-parī ko rashk thā ik ek shaḳhs par

    be-misl the sabhī mah-e-sīmā-e-lucknow

    marne ke ba.ad bhī na miTegā jigar se daaġh

    jannat meñ ham ko ho.egī parvā-e-lucknow

    jab se haTā hai vo tah-o-bālā ye ho gayā

    jannat koī zarūr thā bālā-e-lucknow

    maiñ kyā kahūñ faqīroñ ko jo kuchh ġhurūr thā

    ik ik gadā-e-shahr thā dārā-e-lucknow

    haTtā nahīñ tasavvur-e-asbāb-o-mulk-o-māl

    kānoñ meñ baj rahī hai vo shahnā-e-lucknow

    kyā kyā hasīñ the jam.a paristāñ taḳhta thā

    nazroñ meñ phirte haiñ ruḳh-e-zebā-e-lucknow

    shāhoñ pe faḳhr karte the is mulk ke gadā

    thā misl-e-jām-e-jam mai-o-mīnā-e-lucknow

    har-chand laakh tarah bhulātā huuñ yaad ko

    'aḳhtar' pukār uThtā hai dil haa.e lucknow

    allah ai buto hamein dikhlae lucknow

    sote mein bhi ye kahte hain hum hae lucknow

    aisa hua hun hijr mein us ke nahif-o-zar

    dekhe agar mujhe wahin sharmae lucknow

    aae na mere pas to main aap hi chalun

    mujh ko KHuda kare kahin bulwae lucknow

    kalkatta ke hasinon ko jab dekh leta hun

    us waqt dil mein hota hai sauda-e-lucknow

    ab luT gaya hai kya raha dozaKH se baDh ke hai

    rashk-e-bahisht kahte the sab ja-e-lucknow

    KHush-chashmi aahuon ki wo bhule jahan mein

    dekhe jo aankh nargis-e-shahla-e-lucknow

    gulshan ajab bahaar ke har qasr rashk-e-KHuld

    aur gomti ghazab ki hai dariya-e-lucknow

    hur-o-pari ko rashk tha ek ek shaKHs par

    be-misl the sabhi mah-e-sima-e-lucknow

    marne ke baad bhi na miTega jigar se dagh

    jannat mein hum ko hoegi parwa-e-lucknow

    jab se haTa hai wo tah-o-baala ye ho gaya

    jannat koi zarur tha baala-e-lucknow

    main kya kahun faqiron ko jo kuchh ghurur tha

    ek ek gada-e-shahr tha dara-e-lucknow

    haTta nahin tasawwur-e-asbab-o-mulk-o-mal

    kanon mein baj rahi hai wo shahna-e-lucknow

    kya kya hasin the jama paristan ka taKHta tha

    nazron mein phirte hain ruKH-e-zeba-e-lucknow

    shahon pe faKHr karte the is mulk ke gada

    tha misl-e-jam-e-jam mai-o-mina-e-lucknow

    har-chand lakh tarah bhulata hun yaad ko

    'aKHtar' pukar uThta hai dil hae lucknow

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY