bani-e-shahr-e-sitam mazlum kaise ho gaya

Qasim Jalal

bani-e-shahr-e-sitam mazlum kaise ho gaya

Qasim Jalal

MORE BYQasim Jalal

    bānī-e-shahr-e-sitam mazlūm kaise ho gayā

    kal jo mujrim thā vo ab ma.asūm kaise ho gayā

    mohtasib sach sach batā ḳhalvat meñ kyā saudā huā

    mudda.ī insāf se mahrūm kaise ho gayā

    tā.ir-e-āzād zer-e-dām kaise aa gayā

    vo ḳhayāl-e-muntashir manzūm kaise ho gayā

    kyuuñ sharāfat ko himāqat diyā logoñ ne naam

    fitna-e-shar ḳhair se mausūm kaise ho gayā

    kis tarah ahl-e-junūñ ahl-e-ḳhirad samjhe ga.e

    aql dīvāngī mafhūm kaise ho gayā

    mujh se milnā to tujhe mushkil thā ai matlab ke yaar

    ab mire ghar pata ma.alūm kaise ho gayā

    kyā haiñ asbāb-e-zavāl-e-muslim-e-āshufta-hāl

    kal jo hākim thā vo ab mahkūm kaise ho gayā

    jo ye kahtā thā ki maiñ huuñ ik nishān-e-lā-zavāl

    naqsh-e-fānī tarah ma.adūm kaise ho gayā

    bol ai taa.ib miTā naqsh-e-suvaidā kis tarah

    lauh-e-dil par lafz-e-haq marqūm kaise ho gayā

    qaum qaa.id hai vo jo is ḳhidmat-gār hai

    jis ne ḳhidmat na maḳhdūm kaise ho gayā

    bhar diye auhām kis ne zehn-e-millat meñ 'jalāl'

    chashma-e-āb-e-baqā masmūm kaise ho gayā

    bani-e-shahr-e-sitam mazlum kaise ho gaya

    kal jo mujrim tha wo ab masum kaise ho gaya

    mohtasib sach sach bata KHalwat mein kya sauda hua

    muddai insaf se mahrum kaise ho gaya

    tair-e-azad zer-e-dam kaise aa gaya

    wo KHayal-e-muntashir manzum kaise ho gaya

    kyun sharafat ko himaqat ka diya logon ne nam

    fitna-e-shar KHair se mausum kaise ho gaya

    kis tarah ahl-e-junun ahl-e-KHirad samjhe gae

    aql ka diwangi mafhum kaise ho gaya

    mujh se milna to tujhe mushkil tha ai matlab ke yar

    ab mere ghar ka pata malum kaise ho gaya

    kya hain asbab-e-zawal-e-muslim-e-ashufta-haal

    kal jo hakim tha wo ab mahkum kaise ho gaya

    jo ye kahta tha ki main hun ek nishan-e-la-zawal

    naqsh-e-fani ki tarah madum kaise ho gaya

    bol ai taib miTa naqsh-e-suwaida kis tarah

    lauh-e-dil par lafz-e-haq marqum kaise ho gaya

    qaum ka qaid hai wo jo is ka KHidmat-gar hai

    jis ne KHidmat hi na ki maKHdum kaise ho gaya

    bhar diye auham kis ne zehn-e-millat mein 'jalal'

    chashma-e-ab-e-baqa masmum kaise ho gaya

    Source:

    • Book : Urdu Adab (Pg. 54)
    • Author : Iqbal Hussain
    • Publication : Iqbal Hussain Publishers (Jan, Feb. Mar 1996)
    • Edition : Jan, Feb. Mar 1996
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY