badle badle mere gham-KHwar nazar aate hain

Shakeel Badayuni

badle badle mere gham-KHwar nazar aate hain

Shakeel Badayuni

MORE BYShakeel Badayuni

    badle badle mire ġham-ḳhvār nazar aate haiñ

    marhale ishq ke dushvār nazar aate haiñ

    kashtī-e-ġhairat-e-ehsās salāmat yārab

    aaj tūfān ke āsār nazar aate haiñ

    inqalāb aayā na jaane ye chaman meñ kaisā

    ġhuncha-o-gul mujhe talvār nazar aate haiñ

    jin āñkhoñ se chhalaktā thā kabhī rañg-e-ḳhulūs

    in dinoñ mā.il-e-takrār nazar aate haiñ

    jo sunā karte the hans hans ke kabhī nāma-e-shauq

    ab mirī shakl se bezār nazar aate haiñ

    un ke aage jo jhukī rahtī haiñ nazreñ apnī

    is liye ham ḳhatā-vār nazar aate haiñ

    dushman-e-ḳhū-e-vafā rasm-e-mohabbat ke harīf

    vahī kyā aur bhī do-chār nazar aate haiñ

    jins-e-nāyāb-e-mohabbat ḳhudā ḳhair kare

    bul-havas us ke ḳharīdār nazar aate haiñ

    vaqt ke pūjne vaale haiñ pujārī un ke

    koī matlab ho to ġham-ḳhvār nazar aate haiñ

    jā.eza dil agar lo to vafā se ḳhālī

    shakl dekho to namak-ḳhvār nazar aate haiñ

    roz-e-raushan meñ agar un ko dikhāo taare

    vo ye kah deñge ki sarkār nazar aate haiñ

    ham na badle the na badle haiñ na badleñge 'shakīl'

    ek rañg meñ har baar nazar aate haiñ

    badle badle mere gham-KHwar nazar aate hain

    marhale ishq ke dushwar nazar aate hain

    kashti-e-ghairat-e-ehsas salamat yarab

    aaj tufan ke aasar nazar aate hain

    inqalab aaya na jaane ye chaman mein kaisa

    ghuncha-o-gul mujhe talwar nazar aate hain

    jin ki aankhon se chhalakta tha kabhi rang-e-KHulus

    in dinon mail-e-takrar nazar aate hain

    jo suna karte the hans hans ke kabhi nama-e-shauq

    ab meri shakl se bezar nazar aate hain

    un ke aage jo jhuki rahti hain nazren apni

    is liye hum hi KHata-war nazar aate hain

    dushman-e-KHu-e-wafa rasm-e-mohabbat ke harif

    wahi kya aur bhi do-chaar nazar aate hain

    jins-e-nayab-e-mohabbat ki KHuda KHair kare

    bul-hawas us ke KHaridar nazar aate hain

    waqt ke pujne wale hain pujari un ke

    koi matlab ho to gham-KHwar nazar aate hain

    jaeza dil ka agar lo to wafa se KHali

    shakl dekho to namak-KHwar nazar aate hain

    roz-e-raushan mein agar un ko dikhao tare

    wo ye kah denge ki sarkar nazar aate hain

    hum na badle the na badle hain na badlenge 'shakil'

    ek hi rang mein har bar nazar aate hain

    Source :
    • Book : Kulliyat-e-Shakiil Badaayuuni (Pg. 583)
    • Author : Shakiil Badaayuuni
    • Publication : Farid Book Depot (Pvt.) Ltd
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY
    Speak Now