bikhar ke ret hue hain wo KHwab dekhe hain
bikhar ke ret hue haiñ vo ḳhvāb dekhe haiñ
mirī nigāh ne kitne sarāb dekhe haiñ
sahar kaheñ to kaheñ kaise apnī sub.hoñ ko
ki raat ugalte hue āftāb dekhe haiñ
koī bhī rut ho milī hai dukhoñ kī fasl hameñ
jo mausam aayā hai us ke itaab dekhe haiñ
maiñ bad-gumān nahīñ huuñ magar kitāboñ meñ
tumhāre naam ka.ī intisāb dekhe haiñ
kabhī kī ruk ga.ī bārish guzar chukā sailāb
ka.ī ghar ab bhī magar zer-e-āb dekhe haiñ
koī hamārī ġhazal bhī mulāhiza karnā
tumhāre ham ne ka.ī intiḳhāb dekhe haiñ
panāh DhūñDte guzrī hai zindagī 'kaifī'
jhulastī dhuup meñ saa.e ke ḳhvāb dekhe haiñ
bikhar ke ret hue hain wo KHwab dekhe hain
meri nigah ne kitne sarab dekhe hain
sahar kahen to kahen kaise apni subhon ko
ki raat ugalte hue aaftab dekhe hain
koi bhi rut ho mili hai dukhon ki fasl hamein
jo mausam aaya hai us ke itab dekhe hain
main bad-guman nahin hun magar kitabon mein
tumhaare nam kai intisab dekhe hain
kabhi ki ruk gai barish guzar chuka sailab
kai ghar ab bhi magar zer-e-ab dekhe hain
koi hamari ghazal bhi mulahiza karna
tumhaare hum ne kai intiKHab dekhe hain
panah DhunDte guzri hai zindagi 'kaifi'
jhulasti dhup mein sae ke KHwab dekhe hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
