chand tare bana ke kaghaz par

chāñd taare banā ke kāġhaz par

ḳhush hue ghar sajā ke kāġhaz par

bastiyāñ kyuuñ talāsh karte haiñ

log jañgal ugā ke kāġhaz par

jaane kyā ham se kah gayā mausam

ḳhushk pattā girā ke kāġhaz par

hañste hañste miTā diye us ne

shahr kitne basā ke kāġhaz par

ham ne chāhā ki ham bhī uḌ jaa.eñ

ek chiḌiyā uḌā ke kāġhaz par

log sāhil talāsh karte haiñ

ek dariyā bahā ke kāġhaz par

naav sūraj kī dhuup kā dariyā

tham ga.e kaise aa ke kāġhaz par

ḳhvāb bhī ḳhvāb ho ga.e 'ādil'

shakl-o-sūrat dikhā ke kāġhaz par

chand tare bana ke kaghaz par

KHush hue ghar saja ke kaghaz par

bastiyan kyun talash karte hain

log jangal uga ke kaghaz par

jaane kya hum se kah gaya mausam

KHushk patta gira ke kaghaz par

hanste hanste miTa diye us ne

shahr kitne basa ke kaghaz par

hum ne chaha ki hum bhi uD jaen

ek chiDiya uDa ke kaghaz par

log sahil talash karte hain

ek dariya baha ke kaghaz par

naw suraj ki dhup ka dariya

tham gae kaise aa ke kaghaz par

KHwab bhi KHwab ho gae 'adil'

shakl-o-surat dikha ke kaghaz par