chupke se naam le ke tumhārā kabhī kabhī
dil Dūbne lagā to ubhārā kabhī kabhī
har-chand ashk-e-yās jab umDe to pī ga.e
chamkā falak pe ek sitārā kabhī kabhī
maiñ ne to hoñT sī liye is dil ko kyā karūñ
be-iḳhtiyār tum ko pukārā kabhī kabhī
zahr-e-alam kī aur baḌhāne ko talḳhiyāñ
be-mehriyoñ ke saath mudārā kabhī kabhī
rusvā.iyoñ se duur nahīñ be-qarāriyāñ
dil ko ho kaash sabr kā yaarā kabhī kabhī
qatre se ek mauj ye kahtī nikal ga.ī
sāhil se maslahat hai kinārā kabhī kabhī
ai shāhid-e-jamāl koī shakl hai kī ho
terī nazar se terā nazāra kabhī kabhī
hañgām-e-girya aah se nādāñ 'asar' hazar
uḌtā hai ashk jaise sharāra kabhī kabhī
chupke se nam le ke tumhaara kabhi kabhi
dil Dubne laga to ubhaara kabhi kabhi
har-chand ashk-e-yas jab umDe to pi gae
chamka falak pe ek sitara kabhi kabhi
main ne to honT si liye is dil ko kya karun
be-iKHtiyar tum ko pukara kabhi kabhi
zahr-e-alam ki aur baDhane ko talKHiyan
be-mehriyon ke sath mudara kabhi kabhi
ruswaiyon se dur nahin be-qarariyan
dil ko ho kash sabr ka yara kabhi kabhi
qatre se ek mauj ye kahti nikal gai
sahil se maslahat hai kinara kabhi kabhi
ai shahid-e-jamal koi shakl hai ki ho
teri nazar se tera nazara kabhi kabhi
hangam-e-girya aah se nadan 'asar' hazar
uDta hai ashk jaise sharara kabhi kabhi
Source:
urdu kii chunii hu.ii gazale.n (Pg. 44)
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
