dekhna jin suraton ka shakl thi aaram ki

dekhnā jin sūratoñ kā shakl thī ārām kī

un se haiñ masdūd rāheñ nāma-o-paiġhām kī

ruḳhsat ai ahl-e-vatan ab ham haiñ aur āvārgī

haq rakhe buniyād qaa.em gardish-e-ayyām kī

yaad ne un tang kūchoñ kī fazā sahrā kī dekh

har qadam par jaan maarī hai dil-e-nākām kī

gardish-e-chashm-e-butāñ ki bas-ki sāġhar-nosh hai

gardish-e-gardūñ ko ham kahte the gardish jaam kī

jab se khīñchā 'lutf' ranj-e-furqat-e-yār-o-dayār

ab huī mā'lūm mehnat gardish-e-ayyām kī

dekhna jin suraton ka shakl thi aaram ki

un se hain masdud rahen nama-o-paigham ki

ruKHsat ai ahl-e-watan ab hum hain aur aawargi

haq rakhe buniyaad qaem gardish-e-ayyam ki

yaad ne un tang kuchon ki faza sahra ki dekh

har qadam par jaan mari hai dil-e-nakaam ki

gardish-e-chashm-e-butan ki bas-ki saghar-nosh hai

gardish-e-gardun ko hum kahte the gardish jam ki

jab se khincha 'lutf' ranj-e-furqat-e-yar-o-dayar

ab hui ma'lum mehnat gardish-e-ayyam ki