deti hain thapkiyan teri parchhaiyan mujhe

detī haiñ thapkiyāñ tirī parchhā.iyāñ mujhe

rashk-e-bahisht haiñ mirī tanhā.iyāñ mujhe

mere nasīb meñ sahī āh-o-fuġhāñ magar

ab to sunā.ī detī haiñ shahnā.iyāñ mujhe

kitne uruuj par hai mire ishq kā vaqār

hāsil haiñ kū-e-yār kī rusvā.iyāñ mujhe

maa.il hai chashm-e-mast idhar lag rahā hai ab

āvāz deñgī jhiil kī gahrā.iyāñ mujhe

qaa.em hai mere dard kā ab tak vahī bharam

ab bhī salām kartī haiñ purvā.iyāñ mujhe

is daur-e-sarkashī kī kashākash ke darmiyāñ

lagtī hai pur-sukūn jabīñ-sā.iyāñ mujhe

jo the ḳharāb vo to bulandī pe haiñ 'alīm'

pastī meñ le ga.iiñ mirī achchhā.iyāñ mujhe

deti hain thapkiyan teri parchhaiyan mujhe

rashk-e-bahisht hain meri tanhaiyan mujhe

mere nasib mein sahi aah-o-fughan magar

ab to sunai deti hain shahnaiyan mujhe

kitne uruj par hai mere ishq ka waqar

hasil hain ku-e-yar ki ruswaiyan mujhe

mail hai chashm-e-mast idhar lag raha hai ab

aawaz dengi jhil ki gahraiyan mujhe

qaem hai mere dard ka ab tak wahi bharam

ab bhi salam karti hain purwaiyan mujhe

is daur-e-sarkashi ki kashakash ke darmiyan

lagti hai pur-sukun jabin-saiyan mujhe

jo the KHarab wo to bulandi pe hain 'alim'

pasti mein le gain meri achchhaiyan mujhe