dhup mein nahae the raushni ke pahre the

Pawan Kumar

dhup mein nahae the raushni ke pahre the

Pawan Kumar

MORE BY Pawan Kumar

    dhuup meñ nahā.e the raushnī ke pahre the

    phir bhī un daraḳhtoñ ke saa.e kitne gahre the

    dekhtā rahā mujh ko aa.ina bhī hairat se

    aaj mere chehre meñ jazb kitne chehre the

    in dinoñ to ḳhushiyoñ ke rañg bhī haiñ afsurda

    un dinoñ udāsī ke rañg bhī sunahre the

    vaqt-e-qatl chīḳhā maiñ koī kuchh nahīñ bolā

    log merī bastī ke gūñge aur bahre the

    maiñ vo ek shāhzāda jis ik havelī thī

    aur us havelī ke chaar samt pahre the

    vaqt ne badan apnā kar diyā hai shal varna

    ham bhī terī umroñ meñ shaad the chharhare the

    ishq vo laḌakpan kyā lutf detā thā

    shab-barāt thiiñ rāteñ aur din dashahre the

    aap jis ilāqe meñ ek pal na rah paa.e

    ham usī ilāqe meñ ek umr Thahre the

    dhup mein nahae the raushni ke pahre the

    phir bhi un daraKHton ke sae kitne gahre the

    dekhta raha mujh ko aaina bhi hairat se

    aaj mere chehre mein jazb kitne chehre the

    in dinon to KHushiyon ke rang bhi hain afsurda

    un dinon udasi ke rang bhi sunahre the

    waqt-e-qatl chiKHa main koi kuchh nahin bola

    log meri basti ke gunge aur bahre the

    main wo ek shahzada jis ki ek haweli thi

    aur us haweli ke chaar samt pahre the

    waqt ne badan apna kar diya hai shal warna

    hum bhi teri umron mein shad the chharhare the

    ishq wo laDakpan ka kya hi lutf deta tha

    shab-baraat thin raaten aur din dashahre the

    aap jis ilaqe mein ek pal na rah pae

    hum usi ilaqe mein ek umr Thahre the

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY