dil bhar aata hai jo wo is dil-e-nashad ke sath

dil bhar aatā hai jo vo is dil-e-nāshād ke saath

vo bhī rote haiñ mire nāla-o-fariyād ke saath

lab pe jaan aatī hai āh-e-dil-e-nāshād ke saath

muñh ko aatā hai jigar nāla-o-fariyād ke saath

naam kyūñkar na hasīnoñ kā ho bedād ke saath

bevafā.ī bhī ho jab husn-e-ḳhudā-dād ke saath

samjhā maiñ dekh ke ye qumrī-o-shamshād ke saath

ik giraftār bhī rahtā hai is āzād ke saath

baḌh gayā uns jo barsoñ kī asīrī meñ mujhe

ho ke āzād bhī rahtā huuñ maiñ sayyād ke saath

samjhūñ gulzār-e-barāhīm se baḌh kar us ko

aag meñ kuud paḌūñ aap ke irshād ke saath

shauq hai zevar-e-vahshat ke pahanne kā unheñ

tere dīvāne phirā karte haiñ haddād ke saath

kyā irāda hai mire sar ke judā karne kā

kyoñ talab mujh ko kiyā aap ne jallād ke saath

hashr tak ruuh paristāñ meñ rahegī merī

uḌ gayā tā.ir-e-jāñ ek parī-zād ke saath

dil mirā le ke kareñge na kabhī vo barbād

koī kartā hai badī āshiq-e-nāshād ke saath

dekhiye kaunsā ab fitna bapā hotā hai

roz rahte haiñ raqīb us sitam-ījād ke saath

charkā de kar mirī gardan se uThā.ī talvār

aa gayā rahm bhī jallād ko bedād ke saath

kaun kahtā hai nahīñ nāla-o-shevan meñ asar

dil taḌap jaatā hai un kā mirī fariyād ke saath

ġhaiz aaya jo dam-e-qatl mire qātil ko

teġh-e-abrū bhī khiñche ḳhanjar-e-bedād ke saath

rakh deñ qirtās-o-qalam sāmne mere donoñ

naqsha khīñchūñ jo kabhī 'mānī'-o-'bahzād' ke saath

vaqt-e-bad meñ ye hasīñ saaf nikal jaate haiñ

daam meñ gul na phañse bulbul-e-nāshād ke saath

dost dushman kā kiyā shauq-e-shahādat ne mujhe

saaye kī tarah se rahtā huuñ maiñ jallād ke saath

ḳhuun qātil ke chhuḌāne se na chhūTā merā

misl jauhar ke rahā ḳhanjar-e-faulād ke saath

ragḌe de de ke uThā le na gale se ḳhanjar

kaaT sar ko sitam-ījād na bedād ke saath

pūchh letā huuñ ḳhabar jā ke maiñ un se har roz

kyā kiyā aap ne mere dil-e-nāshād ke saath

le gayā un se fan-e-sher meñ baazī 'fāḳhir'

ma.arka aa ke paḌā jab kisī ustād ke saath

dil bhar aata hai jo wo is dil-e-nashad ke sath

wo bhi rote hain mere nala-o-fariyaad ke sath

lab pe jaan aati hai aah-e-dil-e-nashad ke sath

munh ko aata hai jigar nala-o-fariyaad ke sath

nam kyunkar na hasinon ka ho bedad ke sath

bewafai bhi ho jab husn-e-KHuda-dad ke sath

samjha main dekh ke ye qumri-o-shamshad ke sath

ek giraftar bhi rahta hai is aazad ke sath

baDh gaya uns jo barson ki asiri mein mujhe

ho ke aazad bhi rahta hun main sayyaad ke sath

samjhun gulzar-e-barahim se baDh kar us ko

aag mein kud paDun aap ke irshad ke sath

shauq hai zewar-e-wahshat ke pahanne ka unhen

tere diwane phira karte hain haddad ke sath

kya irada hai mere sar ke juda karne ka

kyon talab mujh ko kiya aap ne jallad ke sath

hashr tak ruh paristan mein rahegi meri

uD gaya tair-e-jaan ek pari-zad ke sath

dil mera le ke karenge na kabhi wo barbaad

koi karta hai badi aashiq-e-nashad ke sath

dekhiye kaunsa ab fitna bapa hota hai

roz rahte hain raqib us sitam-ijad ke sath

charka de kar meri gardan se uThai talwar

aa gaya rahm bhi jallad ko bedad ke sath

kaun kahta hai nahin nala-o-shewan mein asar

dil taDap jata hai un ka meri fariyaad ke sath

ghaiz aaya jo dam-e-qatl mere qatil ko

tegh-e-abru bhi khinche KHanjar-e-bedad ke sath

rakh den qirtas-o-qalam samne mere donon

naqsha khinchun jo kabhi 'mani'-o-'bahzad' ke sath

waqt-e-bad mein ye hasin saf nikal jate hain

dam mein gul na phanse bulbul-e-nashad ke sath

dost dushman ka kiya shauq-e-shahadat ne mujhe

saye ki tarah se rahta hun main jallad ke sath

KHun qatil ke chhuDane se na chhuTa mera

misl jauhar ke raha KHanjar-e-faulad ke sath

ragDe de de ke uTha le na gale se KHanjar

kaT sar ko sitam-ijad na bedad ke sath

puchh leta hun KHabar ja ke main un se har roz

kya kiya aap ne mere dil-e-nashad ke sath

le gaya un se fan-e-sher mein bazi 'faKHir'

marka aa ke paDa jab kisi ustad ke sath