dil-lagi baad-e-KHizan kar le gulistanon ke sath
dil-lagi baad-e-KHizan kar le gulistanon ke sath
Manzoor Ahmad Manzoor
MORE BYManzoor Ahmad Manzoor
dil-lagī bād-e-ḳhizāñ kar le gulistānoñ ke saath
ho chale haiñ ham bhī kuchh mānūs vīrānoñ ke saath
hashr se kuchh kam na thī guzrī jo ai rabb-e-jalīl
tere insānoñ ke hāthoñ tere insānoñ ke saath
aql jab ruk jaa.e to lāzim hai mahmez-e-junūñ
koī dīvāna bhī hotā kaash farzānoñ ke saath
zor par hai zohd ke parde meñ jañg-e-zar-garī
sho.abada-bāzī vahī hai saada īmānoñ ke saath
pastiyoñ ke saa.e baḌh kar choTiyoñ par chhā ga.e
jhoñpaḌe Takrā ga.e 'manzūr' aivānoñ ke saath
dil-lagi baad-e-KHizan kar le gulistanon ke sath
ho chale hain hum bhi kuchh manus viranon ke sath
hashr se kuchh kam na thi guzri jo ai rabb-e-jalil
tere insanon ke hathon tere insanon ke sath
aql jab ruk jae to lazim hai mahmez-e-junun
koi diwana bhi hota kash farzanon ke sath
zor par hai zohd ke parde mein jang-e-zar-gari
shoabada-bazi wahi hai sada imanon ke sath
pastiyon ke sae baDh kar choTiyon par chha gae
jhonpaDe Takra gae 'manzur' aiwanon ke sath
Source:
Funoon(Jadeed Ghazal Number: Volume-002) (Pg. 264)
-
- Edition: 1969
- Publisher: Ahmad Nadeem Qasmi
- Year of Publication: 1969
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
