dil mera dekh dekh jalta hai
dil mirā dekh dekh jaltā hai
sham.a kā kis pe dil pighaltā hai
ham-nashīñ zikr-e-yār kar ki kuchh aaj
is hikāyat se jī bahaltā hai
dil mizha tak pahuñch chukā juuñ ashk
ab sambhāle se kab sambhaltā hai
sāqiyā daur kyā kare hai tamām
aap hī ab ye daur chaltā hai
apne āshiq kī soḳht par pyāre
kabhū kuchh dil tirā bhī jaltā hai
dekh kaisā patañg kī ḳhātir
shola-e-sham.a haath maltā hai
aaj 'qā.em' ke sher ham ne sune
haañ ik andāz to nikaltā hai
dil mera dekh dekh jalta hai
shama ka kis pe dil pighalta hai
ham-nashin zikr-e-yar kar ki kuchh aaj
is hikayat se ji bahalta hai
dil mizha tak pahunch chuka jun ashk
ab sambhaale se kab sambhalta hai
saqiya daur kya kare hai tamam
aap hi ab ye daur chalta hai
apne aashiq ki soKHt par pyare
kabhu kuchh dil tera bhi jalta hai
dekh kaisa patang ki KHatir
shola-e-shama hath malta hai
aaj 'qaem' ke sher hum ne sune
han ek andaz to nikalta hai
Source:
Deewan-e-Qaem Chandpuri (Rekhta Website) (Pg. 149)
-
- Edition: 1963
- Publisher: Jamal Printing Press, Delhi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.