dil-rubā bhī vo dil-navāz bhī hai
aur phir sab se be-niyāz bhī hai
rūh-farsā hai soz-e-ishq magar
mujh se pūchho to jāñ-navāz bhī hai
shikva-e-daur-e-āsmāñ hī nahīñ
apnī qismat pe mujh ko naaz bhī hai
kyā tamāshā hai mahfil-e-hastī
ik haqīqat bhī hai majāz bhī hai
jo ḳhudā se bhī kah nahīñ saktā
mere dil meñ nihāñ vo raaz bhī hai
kaun pūchhe ki hazrat-e-'sīmāb'
aap vāqif haiñ koī 'rāz' bhī hai
dil-ruba bhi wo dil-nawaz bhi hai
aur phir sab se be-niyaz bhi hai
ruh-farsa hai soz-e-ishq magar
mujh se puchho to jaan-nawaz bhi hai
shikwa-e-daur-e-asman hi nahin
apni qismat pe mujh ko naz bhi hai
kya tamasha hai mahfil-e-hasti
ek haqiqat bhi hai majaz bhi hai
jo KHuda se bhi kah nahin sakta
mere dil mein nihan wo raaz bhi hai
kaun puchhe ki hazrat-e-'simab'
aap waqif hain koi 'raaz' bhi hai
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.
