durust hai ki ye din raegan nahin guzre

durust hai ki ye din rā.egāñ nahīñ guzre

magar sukūñ se to ai jān-e-jāñ nahīñ guzre

mizāj-e-shahr-e-junūñ ab ye barhamī kaisī

kis aag se tire pīr-o-javāñ nahīñ guzre

nazar se duur sahī phir bhī kushtagān-e-vafā

vahāñ se kam to ye sadme yahāñ nahīñ guzre

muravvatan vo mirī baat pūchh kar chup haiñ

vagarna kab mire shikve garāñ nahīñ guzre

samundaroñ kī havā duur duur se na guzar

vahāñ kā haal sunā ham jahāñ nahīñ guzre

hujūm-e-kār jahāñ ho ki dasht-e-jāñ kā sukūt

tire firāq ke sadme kahāñ nahīñ guzre

guzar ga.e vo jo jaañ se magar ye hasrat hai

koī 'sabā' se ye kah de miyāñ nahīñ guzre

durust hai ki ye din raegan nahin guzre

magar sukun se to ai jaan-e-jaan nahin guzre

mizaj-e-shahr-e-junun ab ye barhami kaisi

kis aag se tere pir-o-jawan nahin guzre

nazar se dur sahi phir bhi kushtagan-e-wafa

wahan se kam to ye sadme yahan nahin guzre

murawwatan wo meri baat puchh kar chup hain

wagarna kab mere shikwe garan nahin guzre

samundaron ki hawa dur dur se na guzar

wahan ka haal suna hum jahan nahin guzre

hujum-e-kar jahan ho ki dasht-e-jaan ka sukut

tere firaq ke sadme kahan nahin guzre

guzar gae wo jo jaan se magar ye hasrat hai

koi 'saba' se ye kah de miyan nahin guzre