dur hai ba-huzur lagta hai

duur hai bā-huzūr lagtā hai

go hai mastūr uur lagtā hai

āb-o-nān-o-havā nahīñ kaafī

tere dil meñ futūr lagtā hai

jā rahe ho ḳhudā ke ghar yā'nī

vo tumheñ ḳhud se duur lagtā hai

garche hargiz mirā qusūr nahīñ

phir bhī merā qusūr lagtā hai

ek 'ālam pe bhī nahīñ raazī

ye dil-e-nā-subūr lagtā hai

zehn āzād fikr hastī hai

jo gunā kā tanūr lagtā hai

ek miTTī kā Dher hai vo to

jo tumheñ koh-e-tūr lagtā hai

roz hotā huuñ ham-kalām us se

roz yaum-e-nushūr lagtā hai

ḳhud phañsāte ho ḳhud chhuḌāte ho

khel koī huzūr lagtā hai

dur hai ba-huzur lagta hai

go hai mastur ur lagta hai

aab-o-nan-o-hawa nahin kafi

tere dil mein futur lagta hai

ja rahe ho KHuda ke ghar ya'ni

wo tumhein KHud se dur lagta hai

garche hargiz mera qusur nahin

phir bhi mera qusur lagta hai

ek 'alam pe bhi nahin raazi

ye dil-e-na-subur lagta hai

zehn aazad fikr hasti hai

jo guna ka tanur lagta hai

ek miTTi ka Dher hai wo to

jo tumhein koh-e-tur lagta hai

roz hota hun ham-kalam us se

roz yaum-e-nushur lagta hai

KHud phansate ho KHud chhuDate ho

khel koi huzur lagta hai