ghaDi bhar aaj wo mujhse raha KHush

Safi Aurangabadi

ghaDi bhar aaj wo mujhse raha KHush

Safi Aurangabadi

MORE BYSafi Aurangabadi

    ghaḌī bhar aaj vo mujh se rahā ḳhush

    ḳhudā rakkhe use is se sivā ḳhush

    ye maiñ jo har tarah nāshād-o-nā-ḳhush

    phir aise se rahe un balā ḳhush

    kabhī ḳhush hai kabhī vo mujh se nā-ḳhush

    hamesha kaun duniyā meñ rahā ḳhush

    tumhīñ tum ḳhush to phir ke lutf-e-sohbat

    maza milne hai ho dūsrā ḳhush

    tumhīñ tum ḳhush to phir kyā lutf-e-sohbat

    maza milne hai ho dūsrā ḳhush

    ḳhushī mil ga.iiñ do-chār sāñseñ

    ki vo bad-ahd aayā ḳhush gayā ḳhush

    jo vo bātoñ se ḳhush karne pe aate

    to hote banda-e-dargāh kyā ḳhush

    samajhte haiñ ki ye gustāḳh bhī hai

    zarā nā-ḳhush haiñ vo mujh se zarā ḳhush

    kahāñ tak zabt ab kartā huuñ naala

    sitamgar ḳhush rahe mujh se ki nā-ḳhush

    dar-e-daulat pe the lākhoñ bhikārī

    na palTā koī mahrūm aur nā-ḳhush

    ilāhī-baḳht bedār-e-bāda

    adū nā-ḳhush rahīñ aur āshnā ḳhush

    sunī hai bārhā merī tamannā

    kiyā hai us ne mujh ko bārhā ḳhush

    ḳhushī se aaj us ne baat kar

    tabī.at ho ga.ī be-intihā ḳhush

    karo vo kaam jo kal kaam aa.e

    chalo vo chaal jis se ho ḳhudā ḳhush

    ilāhī daur-e-usmānī ho daa.em

    ki hai is ahd meñ chhoTā baḌā ḳhush

    ḳhushī merī kisī ke haath meñ hai

    huā ḳhush jo kisī ne kar diyā ḳhush

    safī' merī ḳhushī-o-nā-ḳhushī kyā

    rakkhā jis haal meñ us ne rahā ḳhush

    ghaDi bhar aaj wo mujh se raha KHush

    KHuda rakkhe use is se siwa KHush

    ye main jo har tarah nashad-o-na-KHush

    phir aise se rahe un ki bala KHush

    kabhi KHush hai kabhi wo mujh se na-KHush

    hamesha kaun duniya mein raha KHush

    tumhin tum KHush to phir ke lutf-e-sohbat

    maza milne ka hai ho dusra KHush

    tumhin tum KHush to phir kya lutf-e-sohbat

    maza milne ka hai ho dusra KHush

    KHushi ki mil gain do-chaar sansen

    ki wo bad-ahd aaya KHush gaya KHush

    jo wo baaton se KHush karne pe aate

    to hote banda-e-dargah kya KHush

    samajhte hain ki ye gustaKH bhi hai

    zara na-KHush hain wo mujh se zara KHush

    kahan tak zabt ab karta hun nala

    sitamgar KHush rahe mujh se ki na-KHush

    dar-e-daulat pe the lakhon bhikari

    na palTa koi mahrum aur na-KHush

    ilahi-baKHt tu bedar-e-baada

    adu na-KHush rahin aur aashna KHush

    suni hai barha meri tamanna

    kiya hai us ne mujh ko barha KHush

    KHushi se aaj us ne baat kar li

    tabiat ho gai be-intiha KHush

    karo wo kaam jo kal kaam aae

    chalo wo chaal jis se ho KHuda KHush

    ilahi daur-e-usmani ho daem

    ki hai is ahd mein chhoTa baDa KHush

    KHushi meri kisi ke hath mein hai

    hua KHush jo kisi ne kar diya KHush

    safi' meri KHushi-o-na-KHushi kya

    rakkha jis haal mein us ne raha KHush

    Source :
    • Book : Kulliyat-e-Safi (Pg. 130)
    • Author : Safi Auranjabadi
    • Publication : Urdu Acadami Hayderabad (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY