hamein to ishq mein sab kaam achchhe lag rahe the

hameñ to ishq meñ sab kaam achchhe lag rahe the

yahāñ tak ki sabhī ilzām achchhe lag rahe the

sunā.e jā rahe the ishq-e-shorīda ke qisse

hameñ qisse nahīñ anjām achchhe lag rahe the

yaqīñ kī manziloñ se go ki aage jā rahe the

pas-e-manzar magar auhām achchhe lag rahe the

shab-e-tārīk meñ shab-tāb anjum āsmāñ pe

ye donoñ barsar-e-paiġhām achchhe lag rahe the

niko-kārī kā dushnāmī sila hai kyā gila hai

ki ham badnām haiñ badnām achchhe lag rahe the

raqībāñ ḳhush the sher-e-shoḳh ke tevar pe ham bhī

ki un sheroñ ke sab īhām achchhe lag rahe the

miyāñ majnūñ bhī gum the najd kī uryāniyoñ meñ

pe ham sahrā meñ bā-ehrām achchhe lag rahe the

namāz-e-ishq adā karne kī koī jā nahīñ thī

so ye sajde hameñ har-gām achchhe lag rahe the

vo vaslat bhī koī vaslat ki jaañ āsūda-ḳhātir

firāqoñ meñ 'anīs'-e-ḳhām achchhe lag rahe the

hamein to ishq mein sab kaam achchhe lag rahe the

yahan tak ki sabhi ilzam achchhe lag rahe the

sunae ja rahe the ishq-e-shorida ke qisse

hamein qisse nahin anjam achchhe lag rahe the

yaqin ki manzilon se go ki aage ja rahe the

pas-e-manzar magar auham achchhe lag rahe the

shab-e-tarik mein shab-tab anjum aasman pe

ye donon barsar-e-paigham achchhe lag rahe the

niko-kari ka dushnami sila hai kya gila hai

ki hum badnam hain badnam achchhe lag rahe the

raqiban KHush the sher-e-shoKH ke tewar pe hum bhi

ki un sheron ke sab iham achchhe lag rahe the

miyan majnun bhi gum the najd ki uryaniyon mein

pe hum sahra mein ba-ehram achchhe lag rahe the

namaz-e-ishq ada karne ki koi ja nahin thi

so ye sajde hamein har-gam achchhe lag rahe the

wo waslat bhi koi waslat ki jaan aasuda-KHatir

firaqon mein 'anis'-e-KHam achchhe lag rahe the