hansi mein haq jata kar ghar-jamai chhin leta hai

Zafar Kamali

hansi mein haq jata kar ghar-jamai chhin leta hai

Zafar Kamali

MORE BYZafar Kamali

    hañsī meñ haq jatā kar ghar-jamā.ī chhīn letā hai

    mire hisse TuuTī chārpā.ī chhīn letā hai

    use mauqa.a mile to paa.ī paa.ī chhīn letā hai

    yahāñ bhaa.ī ḳhushiyāñ us bhaa.ī chhīn letā hai

    bhalā fursat kise hai jo yahāñ rishtoñ ko pahchāne

    ye daur-e-ḳhud-farebī āshnā.ī chhīn letā hai

    jahālat meñ vo kāmil hai moallim ban gayā kaise

    paḌhātā hai ki bachchoñ paḌhā.ī chhīn letā hai

    ravā hai us ko har sarqa tavārud ke bahāne se

    kabhī nazmeñ kabhī ġhazleñ parā.ī chhīn letā hai

    koī qaabū nahīñ chaltā ki us ke husn Daaku

    kisī bhī pārsā pārsā.ī chhīn letā hai

    mirā mahbūb natwarlal hai kyā jo mire dil ko

    dikhā kar apne hāthoñ safā.ī chhīn letā hai

    baḌā chālāk hai shāgird se ustād hairāñ haiñ

    ġhazal kahte vo ban kar qasā.ī chhīn letā hai

    ham apnī qaum jab chāhte haiñ rahnumā banñā

    koī ''dādā'' hamārī rahnumā.ī chhīn letā hai

    salāmat merā sarmāya kabhī rahne nahīñ paatā

    na chhīne vo to koī x y chhīn letā hai

    kamā.ī chhoTe afsar bhī kiyā karte haiñ lākhoñ meñ

    magar sab se baḌā afsar malā.ī chhīn letā hai

    badan merā ThiThur jaatā hai us sard-mehrī se

    vo zālim hai mohabbat razā.ī chhīn letā hai

    buḌhāpe ke liye koī raqam jab bhī bachātā huuñ

    to beTā use de kar duhā.ī chhīn letā hai

    yahī maġhrib ḳhūbī hai yahī faizān hai us

    burā.ī baañT detā hai bhalā.ī chhīn letā hai

    nikalne nahīñ detā kisī ko apne phande se

    dimāġh o dil se tadbīr-e-rihā.ī chhīn letā hai

    'zafar' tum vaqt se Darte raho is par nazar rakkho

    ye dil-bar se bhī us dilrubā.ī chhīn letā hai

    hansi mein haq jata kar ghar-jamai chhin leta hai

    mere hisse ki TuTi chaarpai chhin leta hai

    use mauqa mile to pai pai chhin leta hai

    yahan bhai ki KHushiyan us ka bhai chhin leta hai

    bhala fursat kise hai jo yahan rishton ko pahchane

    ye daur-e-KHud-farebi aashnai chhin leta hai

    jahaalat mein wo kaamil hai moallim ban gaya kaise

    paDhata hai ki bachchon ki paDhai chhin leta hai

    rawa hai us ko har sarqa tawarud ke bahane se

    kabhi nazmen kabhi ghazlen parai chhin leta hai

    koi qabu nahin chalta ki us ke husn ka Daku

    kisi bhi parsa ki parsai chhin leta hai

    mera mahbub natwarlal hai kya jo mere dil ko

    dikha kar apne hathon ki safai chhin leta hai

    baDa chaalak hai shagird se ustad hairan hain

    ghazal kahte hi wo ban kar qasai chhin leta hai

    hum apni qaum ka jab chahte hain rahnuma banna

    koi dada hamari rahnumai chhin leta hai

    salamat mera sarmaya kabhi rahne nahin pata

    na chhine wo to koi x y chhin leta hai

    kamai chhoTe afsar bhi kiya karte hain lakhon mein

    magar sab se baDa afsar malai chhin leta hai

    badan mera ThiThur jata hai us ki sard-mehri se

    wo zalim hai mohabbat ki razai chhin leta hai

    buDhape ke liye koi raqam jab bhi bachata hun

    to beTa hi use de kar duhai chhin leta hai

    yahi maghrib ki KHubi hai yahi faizan hai us ka

    burai banT deta hai bhalai chhin leta hai

    nikalne hi nahin deta kisi ko apne phande se

    dimagh o dil se tadbir-e-rihai chhin leta hai

    'zafar' tum waqt se Darte raho is par nazar rakkho

    ye dil-bar se bhi us ki dilrubai chhin leta hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY