hujum-e-nala hairat aajiz-e-arz yak-afghan hai

hujūm-e-nāla hairat ājiz-e-arz yak-afġhāñ hai

ḳhamoshī resha-e-sad-nīstāñ se ḳhas-ba-dandāñ hai

takalluf-bar-taraf hai jāñ-sitāñ-tar lutf-e-bad-ḳhūyāñ

nigāh-e-be-hijāb-e-nāz teġh-e-tez-e-uryāñ hai

huī ye kasrat-e-ġham se talaf kaifiyat-e-shādī

ki sub.h-e-īd mujh ko bad-tar az-chāk-e-garebāñ hai

dil o diiñ naqd lā saaqī se gar saudā kiyā chāhe

ki us bāzār meñ sāġhar matā-e-dast-gardāñ hai

ġham āġhosh-e-balā meñ parvarish detā hai āshiq ko

charāġh-e-raushan apnā qulzum-e-sarsar kā marjāñ hai

takalluf sāz-e-rusvā.ī hai ġhāfil sharm-e-ranā.ī

dil-e-ḳhūñ-gashta dar dast-e-hinā-ālūda uryāñ hai

'asad' jam.iyat-e-dil dar-kinār-e-be-ḳhudī ḳhush-tar

do-ālam āgahī sāmān-e-yak-ḳhvāb-e-pareshāñ hai

hujum-e-nala hairat aajiz-e-arz yak-afghan hai

KHamoshi resha-e-sad-nistan se KHas-ba-dandan hai

takalluf-bar-taraf hai jaan-sitan-tar lutf-e-bad-KHuyan

nigah-e-be-hijab-e-naz tegh-e-tez-e-uryan hai

hui ye kasrat-e-gham se talaf kaifiyat-e-shadi

ki subh-e-id mujh ko bad-tar az-chaak-e-gareban hai

dil o din naqd la saqi se gar sauda kiya chahe

ki us bazar mein saghar mata-e-dast-gardan hai

gham aaghosh-e-bala mein parwarish deta hai aashiq ko

charagh-e-raushan apna qulzum-e-sarsar ka marjaan hai

takalluf saz-e-ruswai hai ghafil sharm-e-ranai

dil-e-KHun-gashta dar dast-e-hina-aluda uryan hai

'asad' jamiyat-e-dil dar-kinar-e-be-KHudi KHush-tar

do-alam aagahi saman-e-yak-KHwab-e-pareshan hai