aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ishq hi tanha nahin shorida-sar mere liye

Jigar Moradabadi

ishq hi tanha nahin shorida-sar mere liye

Jigar Moradabadi

MORE BYJigar Moradabadi

    ishq tanhā nahīñ shorīda-sar mere liye

    husn bhī betāb hai aur kis qadar mere liye

    haañ mubārak ab hai me.arāj-e-nazar mere liye

    jis qadar vo dūr-tar nazdīk-tar mere liye

    khel hai bāzīcha-e-shām-o-sahar mere liye

    do gul-e-bāzī haiñ ye shams o qamar mere liye

    vaqf hai sayyād ik ik nazar mere liye

    haañ mubārak ye shikast-e-bāl-o-par mere liye

    garm hai hañgāma-e-shām-o-sahar mere liye

    raat din gardish meñ haiñ shams o qamar mere liye

    maiñ huuñ vahshī aah kis sahrā-e-āfat-ḳhez

    hai gul-e-vīrāna bhī begāna-tar mere liye

    us maqām-e-ishq meñ huuñ marhabā ai be-ḳhudī

    zarra zarra hai jahāñ garm-e-safar mere liye

    jazb ho kar rah gayā huuñ maiñ jamāl-e-dost meñ

    ishq hai tābinda-tar pā.inda-tar mere liye

    maiñ nahīñ kahtā ki maiñ huuñ ho terī ḳhalvateñ

    haañ magar sab se judā ḳhaas ik nazar mere liye

    allāh allāh maiñ bhī kyā nāzuk-dimāġh-e-ishq huuñ

    nik.hat-e-gul bhī hai vaj.h-e-dard-e-sar mere liye

    phir bhī āñkheñ DhūñDhtī haiñ ik sarāpā naaz ko

    maiñ ne maanā kuchh nahīñ hadd-e-nazar mere liye

    rahrav-e-rāh-e-talab ko ḳhizr hājat nahīñ

    zarra zarra hai charāġh-e-rah-guzar mere liye

    apne dil meñ juz tire maiñ bhī samā saktā nahīñ

    merā har har saañs hai zanjīr-e-dar mere liye

    mujh ko jannat jo duniyā hai to yā-rab baḳhsh de

    bas yahī dāmān-e-tar chashmān-e-tar mere liye

    tark-e-mai se aur bhī maiñ to sharābī ban gayā

    roz aa jaatā hai mīnā-e-sahar mere liye

    jis ne zāhid se bhī kāfir ke uḌā Daale haiñ hosh

    us se bhī kuchh aur saaqī tez-tar mere liye

    vo mirā sāġhar-ba-kaf honā pashemānī ke saath

    abr-e-rahmat vo uThnā jhuum kar mere liye

    kal shab-e-māhtāb meñ ik bulbul-e-āfat-navā

    markaz-e-ġham ban rahā thā raat bhar mere liye

    nā-gahāñ lab-hā-e-barg-e-gul se ye aa.ī nidā

    naale kartā hai abas ai be-ḳhabar mere liye

    maiñ bhī huuñ apnī jagah ḳhūnīñ-jigar ḳhūnīñ-kafan

    na apnī jaan kho ai musht-e-par mere liye

    bas ye sunñā thā ki pā-e-gul pe gir kar mar miTā

    ban gayā ik naqsh-e-ibrat umr bhar mere liye

    zindagī ik tohmat-e-bejā hai merī zaat par

    maut ik ilzām-e-nā-jā.ez 'jigar' mere liye

    maiñ to har hālat meñ ḳhush huuñ lekin us kyā ilaaj

    DabDabā aatī haiñ vo āñkheñ 'jigar' mere liye

    ishq hi tanha nahin shorida-sar mere liye

    husn bhi betab hai aur kis qadar mere liye

    han mubarak ab hai mearaj-e-nazar mere liye

    jis qadar wo dur-tar nazdik-tar mere liye

    khel hai bazicha-e-sham-o-sahar mere liye

    do gul-e-bazi hain ye shams o qamar mere liye

    waqf hai sayyaad ki ek ek nazar mere liye

    han mubarak ye shikast-e-baal-o-par mere liye

    garm hai hangama-e-sham-o-sahar mere liye

    raat din gardish mein hain shams o qamar mere liye

    main hun wahshi aah kis sahra-e-afat-KHez ka

    hai gul-e-virana bhi begana-tar mere liye

    us maqam-e-ishq mein hun marhaba ai be-KHudi

    zarra zarra hai jahan garm-e-safar mere liye

    jazb ho kar rah gaya hun main jamal-e-dost mein

    ishq hai tabinda-tar painda-tar mere liye

    main nahin kahta ki main hun tu ho teri KHalwaten

    han magar sab se juda KHas ek nazar mere liye

    allah allah main bhi kya nazuk-dimagh-e-ishq hun

    nikhat-e-gul bhi hai wajh-e-dard-e-sar mere liye

    phir bhi aankhen DhunDhti hain ek sarapa naz ko

    main ne mana kuchh nahin hadd-e-nazar mere liye

    rahraw-e-rah-e-talab ko KHizr ki hajat nahin

    zarra zarra hai charagh-e-rah-guzar mere liye

    apne dil mein juz tere main bhi sama sakta nahin

    mera har har sans hai zanjir-e-dar mere liye

    mujh ko jannat hi jo duniya hai to ya-rab baKHsh de

    bas yahi daman-e-tar chashman-e-tar mere liye

    tark-e-mai se aur bhi main to sharabi ban gaya

    roz aa jata hai mina-e-sahar mere liye

    jis ne zahid se bhi kafir ke uDa Dale hain hosh

    us se bhi kuchh aur saqi tez-tar mere liye

    wo mera saghar-ba-kaf hona pashemani ke sath

    abr-e-rahmat ka wo uThna jhum kar mere liye

    kal shab-e-mahtab mein ek bulbul-e-afat-nawa

    markaz-e-gham ban raha tha raat bhar mere liye

    na-gahan lab-ha-e-barg-e-gul se ye aai nida

    nale karta hai abas ai be-KHabar mere liye

    main bhi hun apni jagah KHunin-jigar KHunin-kafan

    tu na apni jaan kho ai musht-e-par mere liye

    bas ye sunna tha ki pa-e-gul pe gir kar mar miTa

    ban gaya ek naqsh-e-ibrat umr bhar mere liye

    zindagi ek tohmat-e-beja hai meri zat par

    maut ek ilzam-e-na-jaez 'jigar' mere liye

    main to har haalat mein KHush hun lekin us ka kya ilaj

    DabDaba aati hain wo aankhen 'jigar' mere liye

    Source:

    Kulliyat-e-jigar (Pg. 288)

    • Author: Jigar Muradabadi
      • Edition: 2011
      • Publisher: Educational Publishing House
      • Year of Publication: 2011

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now