ishq mein ek nai ijad kahegi duniya

'ishq meñ ik na.ī ījād kahegī duniyā

tum ko miTTī to mujhe khaad kahegī duniyā

us ko ye baat samajh meñ nahīñ aatī kyūñkar

kis tarah bhiik ko imdād kahegī duniyā

mujh ko Dar hai vo na ban jaa.e ġhulām-ibn-e-ġhulām

us kī hasrat hai kab āzād kahegī duniyā

she’r mere jo kiye naam se apne mansūb

ġhair-aulād ko aulād kahegī duniyā

raat kī kokh se sūraj bhī huā paidā magar

jugnuoñ tum ko hī shab-zād kahegī duniyā

tum ḳhudā-e-suḳhan ārā.ish-e-afkār ho 'mīr'

merī ġhazloñ ko ḳhudā-dād kahegī duniyā

parcham-e-ishq to lahrā gayā aise 'dilbar'

ab kisī ko bhī na farhād kahegī duniyā

'ishq mein ek nai ijad kahegi duniya

tum ko miTTi to mujhe khad kahegi duniya

us ko ye baat samajh mein nahin aati kyunkar

kis tarah bhik ko imdad kahegi duniya

mujh ko Dar hai wo na ban jae ghulam-ibn-e-ghulam

us ki hasrat hai kab aazad kahegi duniya

she’r mere jo kiye nam se apne mansub

ghair-aulad ko aulad kahegi duniya

raat ki kokh se suraj bhi hua paida magar

jugnuon tum ko hi shab-zad kahegi duniya

tum KHuda-e-suKHan aaraish-e-afkar ho 'mir'

meri ghazlon ko KHuda-dad kahegi duniya

parcham-e-ishq to lahra gaya aise 'dilbar'

ab kisi ko bhi na farhad kahegi duniya