ishq un sab se alag sab se juda hota hai

Safi Aurangabadi

ishq un sab se alag sab se juda hota hai

Safi Aurangabadi

MORE BYSafi Aurangabadi

    ishq un sab se alag sab se judā hotā hai

    chīḳhne rone taḌap lene se kyā hotā hai

    yaad aatā hai gale mil ke tirā pachhtānā

    har na.ī iid meñ ye rañj nayā hotā hai

    jo bhalā kartā hai allāh ke bandoñ ke liye

    ġhaib se us bhī har kaam bhalā hotā hai

    guft-o-gū meñ ye nazākat hai ki allāh allāh

    ek ik harf bhī mushkil se adā hotā hai

    qahr hotā hai hasīnoñ meñ jo hotā hai matīñ

    shoḳh hotā hai jo un meñ vo balā hotā hai

    jiine detī hai kise pyaar sūrat kāfir

    dost to dost hai dushman bhī fidā hotā hai

    tazkire husn ke sun husn dil-dāda na ban

    ba.az bātoñ ke to sunñe meñ mazā hotā hai

    mah-jabīñ iid meñ añgusht-numā kyuuñ na raheñ

    iid chāñd añgusht-numā hotā hai

    phabtiyāñ ġhair pe kasne ko hai maujūd safī'

    aur us pe kabhī hañsiye to ḳhafā hotā hai

    ishq un sab se alag sab se juda hota hai

    chiKHne rone taDap lene se kya hota hai

    yaad aata hai gale mil ke tera pachhtana

    har nai id mein ye ranj naya hota hai

    jo bhala karta hai allah ke bandon ke liye

    ghaib se us ka bhi har kaam bhala hota hai

    guft-o-gu mein ye nazakat hai ki allah allah

    ek ek harf bhi mushkil se ada hota hai

    qahr hota hai hasinon mein jo hota hai matin

    shoKH hota hai jo un mein wo bala hota hai

    jine deti hai kise pyar ki surat kafir

    dost to dost hai dushman bhi fida hota hai

    tazkire husn ke sun husn ka dil-dada na ban

    baz baaton ke to sunne mein maza hota hai

    mah-jabin id mein angusht-numa kyun na rahen

    id ka chand hi angusht-numa hota hai

    phabtiyan ghair pe kasne ko hai maujud safi'

    aur us pe kabhi hansiye to KHafa hota hai

    Source :
    • Book : Kulliyat-e-Safi (Pg. 260)
    • Author : Safi Auranjabadi
    • Publication : Urdu Acadami Hayderabad (2000)
    • Edition : 2000
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY