itni mushkil mein bhi ahbab na Dalen mujhko

Lais Quraishi

itni mushkil mein bhi ahbab na Dalen mujhko

Lais Quraishi

MORE BYLais Quraishi

    itnī mushkil meñ bhī ahbāb na Dāleñ mujh ko

    ki sambhalnā bhī na chāhūñ to sambhāleñ mujh ko

    ġham-e-daurāñ ġham-e-jānāñ ġham-e-jāñ ek hue

    Dar rahā huuñ ye kahīñ maar na Dāleñ mujh ko

    munfarid merī tabī.at hai ye hālāt kahīñ

    ravish-e-ām ke sāñche meñ na Dhāleñ mujh ko

    maiñ to is par bhī huuñ raazī ki tire shahr ke log

    mere bante nahīñ apnā banā leñ mujh ko

    aap mujh se kisī ta.abīr phir baat kareñ

    pahle is ḳhvāb-e-tamannā se jagā leñ mujh ko

    nahīñ ma.alūm ki kal tak maiñ rahūñ na rahūñ

    mehrbāñ aaj jī-bhar ke satā leñ mujh ko

    gardishoñ ke liye ab tak na ye mumkin na huā

    kisī sūrat mire mehvar se haTā leñ mujh ko

    in bulandī ke makīnoñ ko mayassar nahīñ

    'lais' vo haath jo pastī se uThā leñ mujh ko

    itni mushkil mein bhi ahbab na Dalen mujh ko

    ki sambhalna bhi na chahun to sambhaalen mujh ko

    gham-e-dauran gham-e-jaanan gham-e-jaan ek hue

    Dar raha hun ye kahin mar na Dalen mujh ko

    munfarid meri tabiat hai ye haalat kahin

    rawish-e-am ke sanche mein na Dhaalen mujh ko

    main to is par bhi hun raazi ki tere shahr ke log

    mere bante nahin apna hi bana len mujh ko

    aap mujh se kisi tabir ki phir baat karen

    pahle is KHwab-e-tamanna se jaga len mujh ko

    nahin malum ki kal tak main rahun ya na rahun

    mehrban aaj hi ji-bhar ke sata len mujh ko

    gardishon ke liye ab tak na ye mumkin na hua

    kisi surat mere mehwar se haTa len mujh ko

    in bulandi ke makinon ko mayassar hi nahin

    'lais' wo hath jo pasti se uTha len mujh ko

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY