aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jaDe mein kya maza ho wo to simaT rahe hon

Insha Allah Khan Insha

jaDe mein kya maza ho wo to simaT rahe hon

Insha Allah Khan Insha

MORE BYInsha Allah Khan Insha

    jaaḌe meñ kyā maza ho vo to simaT rahe hoñ

    aur khol kar razā.ī ham bhī lipaT rahe hoñ

    ab aap damoñ meñ ham aa chuke haTo bhī

    ḳhush aave pyāre kis ko jab dil kaT rahe hoñ

    kyūñkar zabāñ se un apnā bachāv hove

    zāt-o-sifāt sab ke jab vo ukaT rahe hoñ

    aate the saath mere dekho to kyā hue vo

    aisā na ho ki pīchhe rishte meñ kaT rahe hoñ

    tab sair dekhe koī bāham laḌā.īyoñ ke

    khīñche hoñ vo to teġhā aur ham bhī DaT rahe hoñ

    kyā kar sakeñ divāne hāl-e-dil-e-pareshāñ

    zulfoñ ke baal un ke jab aap laT rahe hoñ

    aapas meñ rūThne andāz ho to ye ho

    vo ham se phaT rahe hoñ ham un se phaT rahe hoñ

    chāhtā hai ai dil ik aisī raat aave

    matl.a ho saaf shahrā bādal bhī phaT rahe hoñ

    sote hoñ chāñdnī meñ vo muñh lapeTe aur ham

    shabnam vo dupaTTa paTThe ulaT rahe hoñ

    panjam ġhazal ab 'inshā' andāz sunā

    āġhosh meñ ma.ānī jis ke lipaT rahe hoñ

    jaDe mein kya maza ho wo to simaT rahe hon

    aur khol kar razai hum bhi lipaT rahe hon

    ab aap ki damon mein hum aa chuke haTo bhi

    KHush aawe pyare kis ko jab dil hi kaT rahe hon

    kyunkar zaban se un ki apna bachaw howe

    zat-o-sifat sab ke jab wo ukaT rahe hon

    aate the sath mere dekho to kya hue wo

    aisa na ho ki pichhe rishte mein kaT rahe hon

    tab sair dekhe koi baham laDaiyon ke

    khinche hon wo to tegha aur hum bhi DaT rahe hon

    kya kar saken diwane haal-e-dil-e-pareshan

    zulfon ke baal un ke jab aap laT rahe hon

    aapas mein ruThne ka andaz ho to ye ho

    wo hum se phaT rahe hon hum un se phaT rahe hon

    ji chahta hai ai dil ek aisi raat aawe

    matla ho saf shahra baadal bhi phaT rahe hon

    sote hon chandni mein wo munh lapeTe aur hum

    shabnam ka wo dupaTTa paTThe ulaT rahe hon

    panjam ghazal ab 'insha' andaz ki suna di

    aaghosh mein maani jis ke lipaT rahe hon

    Source:

    Kulliyat-e-inshaallah khan insha (Pg. 95)

    • Author: Insha Allah Khan Insha
      • Publisher: Munshi Nawal Kishor, Lucknow
      • Year of Publication: 1876
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now