jafa ka uski gila mat karo hua so hua

jafā kā us kī gilā mat karo huā so huā

ḳhudā ke vāste chupke raho huā so huā

sunegā vo to ḳhafā hogā phir na.e sar se

kasū ke kaan meñ kuchh mat kaho huā so huā

ye guftugū jo karo ho so kuchh bhalī nahīñ hai

kisī se fel-e-abas mat laḌo huā so huā

mujhe to paak mohabbat hai mat karo badnām

kahīñ ḳhudā ke ġhazab se Daro huā so huā

phire hai vo to sipar saif le are yaaro

kisī se qaziya na ho dekhiyo huā so huā

ye maraz-e-ishq hai is kī davā karo mauqūf

tabīb muft meñ rusvā na ho huā so huā

girā jo chāh-e-zanaḳh meñ koī to yuuñ bolā

sazā hai ġhota zarā khāne do huā so huā

sunā jab un ne falānā to aaj mar hī gayā

kahā balā se mirī koī maro huā so huā

agar nasīb meñ aisā hī kuchh likhā hai 'nain'

to phiir bas nahīñ lāchār jo huā so huā

jafa ka us ki gila mat karo hua so hua

KHuda ke waste chupke raho hua so hua

sunega wo to KHafa hoga phir nae sar se

kasu ke kan mein kuchh mat kaho hua so hua

ye guftugu jo karo ho so kuchh bhali nahin hai

kisi se fel-e-abas mat laDo hua so hua

mujhe to pak mohabbat hai mat karo badnam

kahin KHuda ke ghazab se Daro hua so hua

phire hai wo to sipar saif le are yaro

kisi se qaziya na ho dekhiyo hua so hua

ye maraz-e-ishq hai is ki dawa karo mauquf

tabib muft mein ruswa na ho hua so hua

gira jo chah-e-zanaKH mein koi to yun bola

saza hai ghota zara khane do hua so hua

suna jab un ne falana to aaj mar hi gaya

kaha bala se meri koi maro hua so hua

agar nasib mein aisa hi kuchh likha hai 'nain'

to phir bas nahin lachaar jo hua so hua