jism ke bayaban mein dard ki dua mangen

Ahmad Shanas

jism ke bayaban mein dard ki dua mangen

Ahmad Shanas

MORE BYAhmad Shanas

    jism ke bayābāñ meñ dard duā māñgeñ

    phir kisī musāfir se raushnī zarā māñgeñ

    kho ga.e kitāboñ meñ titliyoñ ke bāl-o-par

    soch meñ haiñ ab bachche kyā chhupā.eñ kyā māñgeñ

    za.afrānī khetoñ meñ ab makān ugte haiñ

    kis tarah zamīnoñ se dil rābta māñgeñ

    ham bhī ho ga.e shāmil masnūī tijārat meñ

    ham ki chehra-sāmāñ the ab ke aa.inā māñgeñ

    varna ilm nāmoñ uTh na jaa.e dhartī se

    aadmī phale-phūle aao ye duā māñgeñ

    is se peshtar ki ye raat muuñd le āñkheñ

    nanhe-munne jugnū se raushnī zarā māñgeñ

    vo sadā.eñ detā hai āḳhirī jazīre se

    aur ham nigāhoñ husn-e-ibtidā māñgeñ

    kis ke sāmne rakhiye khol kar razā apnī

    aur kis se jaadū boltā diyā māñgeñ

    jism ke bayaban mein dard ki dua mangen

    phir kisi musafir se raushni zara mangen

    kho gae kitabon mein titliyon ke baal-o-par

    soch mein hain ab bachche kya chhupaen kya mangen

    zafrani kheton mein ab makan ugte hain

    kis tarah zaminon se dil ka rabta mangen

    hum bhi ho gae shamil masnui tijarat mein

    hum ki chehra-saman the ab ke aaina mangen

    warna ilm namon ka uTh na jae dharti se

    aadmi phale-phule aao ye dua mangen

    is se peshtar ki ye raat mund le aankhen

    nanhe-munne jugnu se raushni zara mangen

    wo sadaen deta hai aaKHiri jazire se

    aur hum nigahon ka husn-e-ibtida mangen

    kis ke samne rakhiye khol kar raza apni

    aur kis se jadu ka bolta diya mangen

    Source :
    • Book : Pas-e-Ashkar (Pg. 50)
    • Author : Ahmed Shanas
    • Publication : M. R. Publications (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY