kaha KHwab ne main adhura rahunga

kahā ḳhvāb ne maiñ adhūrā rahūñgā

sahar tak magar bas maiñ terā rahūñgā

ki jab tak rahegī yuuñ kachchī ye miTTī

maiñ har roz paikar badaltā rahūñgā

ho jaa.e na vo bhī kahīñ duur mujh se

agar us ko maiñ apnā kahtā rahūñgā

kisī din ye saaya bhī gal jaanā hai gar

yūñhī dhuup meñ maiñ jo chaltā rahūñgā

mujhe umr ne hai Thagā kis tarah se

mujhe to lagā thā maiñ bachcha rahūñgā

safar zindagī kā thakātā bahut hai

maiñ har marhale par Thahartā rahūñgā

mohabbat kā saudā hai ghāTe kā saudā

mirī ho na ho tū maiñ terā rahūñgā

suno 'ahad' koī taḳhallus nahīñ hai

merā ahd hai maiñ nibhātā rahūñgā

kaha KHwab ne main adhura rahunga

sahar tak magar bas main tera rahunga

ki jab tak rahegi yun kachchi ye miTTi

main har roz paikar badalta rahunga

ho jae na wo bhi kahin dur mujh se

agar us ko main apna kahta rahunga

kisi din ye saya bhi gal jaana hai gar

yunhi dhup mein main jo chalta rahunga

mujhe umr ne hai Thaga kis tarah se

mujhe to laga tha main bachcha rahunga

safar zindagi ka thakata bahut hai

main har marhale par Thaharta rahunga

mohabbat ka sauda hai ghaTe ka sauda

meri ho na ho tu main tera rahunga

suno 'ahad' koi taKHallus nahin hai

mera ahd hai main nibhata rahunga