aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

kahan hun main ki mera koi aashna bhi nahin

Khursheed Rizvi

kahan hun main ki mera koi aashna bhi nahin

Khursheed Rizvi

MORE BYKhursheed Rizvi

    kahāñ huuñ maiñ ki mirā koī āshnā bhī nahīñ

    kisī zikr to kyā ghar meñ aa.ina bhī nahīñ

    rahe ḳhamosh to TuuTā na rishta-e-ummīd

    pukārte to ḳharāboñ meñ koī thā bhī nahīñ

    tirī sadā pe to sadiyāñ bhī lauT aatī haiñ

    mujhe balā meñ kuchh aisā shikasta-pā bhī nahīñ

    ye aur baat ki naqsh-e-qadam dikhā.ī na deñ

    magar vo arsa-e-dil se abhī gayā bhī nahīñ

    is e'tirāf se ras ghul rahā hai kānoñ meñ

    vo e'tirāf jo us ne abhī kiyā bhī nahīñ

    jis ek chiiz se terā firāq āsāñ hai

    vo ek chiiz tirī yaad ke sivā bhī nahīñ

    mirā bharam haiñ taġhāful-shi.āriyāñ terī

    pūchh le to mirā koī mudda.ā bhī nahīñ

    musālahat bhī nahīñ hai sarisht meñ apnī

    magar kisī se tasādum hausla bhī nahīñ

    na jaane kab na raheñ ham hameñ ġhanīmat jaan

    hayāt-o-maut meñ kuchh aisā fāsla bhī nahīñ

    ma.āl-e-kār-e-qanā.at hai so abhī se sahī

    vagarna tūl-e-tamannā intihā bhī nahīñ

    kahan hun main ki mera koi aashna bhi nahin

    kisi ka zikr to kya ghar mein aaina bhi nahin

    rahe KHamosh to TuTa na rishta-e-ummid

    pukarte to KHarabon mein koi tha bhi nahin

    teri sada pe to sadiyan bhi lauT aati hain

    mujhe bala mein kuchh aisa shikasta-pa bhi nahin

    ye aur baat ki naqsh-e-qadam dikhai na den

    magar wo arsa-e-dil se abhi gaya bhi nahin

    is e'tiraf se ras ghul raha hai kanon mein

    wo e'tiraf jo us ne abhi kiya bhi nahin

    jis ek chiz se tera firaq aasan hai

    wo ek chiz teri yaad ke siwa bhi nahin

    mera bharam hain taghaful-shiariyan teri

    tu puchh le to mera koi muddaa bhi nahin

    musalahat bhi nahin hai sarisht mein apni

    magar kisi se tasadum ka hausla bhi nahin

    na jaane kab na rahen hum hamein ghanimat jaan

    hayat-o-maut mein kuchh aisa fasla bhi nahin

    maal-e-kar-e-qanaat hai so abhi se sahi

    wagarna tul-e-tamanna ki intiha bhi nahin

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now