kali pe rang gulon par nikhaar bhi to nahin

Arsh Malsiyani

kali pe rang gulon par nikhaar bhi to nahin

Arsh Malsiyani

MORE BYArsh Malsiyani

    kalī pe rañg guloñ par nikhār bhī to nahīñ

    bahār ḳhaak umīd-e-bahār bhī to nahīñ

    kuchh aisī aag lagī hai mire gulistāñ meñ

    yahāñ shajar koī be-barg-o-bār bhī to nahīñ

    isī fareb meñ rahtā ki paas hai manzil

    sitam to ye hai ki rah meñ ġhubār bhī to nahīñ

    mujhe zamāne ne baḳhshī hai vo fareb mai

    nasha to ek taraf hai ḳhumār bhī to nahīñ

    samajh meñ aatī nahīñ sard-mehrī-e-duniyā

    kisī ke siine meñ ġham sharār bhī to nahīñ

    qarār dil ke liye DhūñDhtā magar tauba

    tire baġhair ye ab be-qarār bhī to nahīñ

    nikal to jaao jahān-e-ḳharāb se ai 'arsh'

    magar yahāñ koī jā-e-farār bhī to nahīñ

    kali pe rang gulon par nikhaar bhi to nahin

    bahaar KHak umid-e-bahaar bhi to nahin

    kuchh aisi aag lagi hai mere gulistan mein

    yahan shajar koi be-barg-o-bar bhi to nahin

    isi fareb mein rahta ki pas hai manzil

    sitam to ye hai ki rah mein ghubar bhi to nahin

    mujhe zamane ne baKHshi hai wo fareb ki mai

    nasha to ek taraf hai KHumar bhi to nahin

    samajh mein aati nahin sard-mehri-e-duniya

    kisi ke sine mein gham ka sharar bhi to nahin

    qarar dil ke liye DhunDhta magar tauba

    tere baghair ye ab be-qarar bhi to nahin

    nikal to jao jahan-e-KHarab se ai 'arsh'

    magar yahan koi ja-e-farar bhi to nahin

    Source
    • Book : Kulliyat-e-Arsh (Pg. 121)
    • Author : Arsh Malsiyani
    • Publication : Ali Imran Chaudhary
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY