kamal-e-zabt ko KHud bhi to aazmaungi

Parveen Shakir

kamal-e-zabt ko KHud bhi to aazmaungi

Parveen Shakir

MORE BY Parveen Shakir

    kamāl-e-zabt ko ḳhud bhī to āzmā.ūñgī

    maiñ apne haath se us dulhan sajā.ūñgī

    supurd kar ke use chāñdnī ke hāthoñ meñ

    maiñ apne ghar ke añdheroñ ko lauT ā.ūñgī

    badan ke karb ko vo bhī samajh na pā.egā

    maiñ dil meñ ro.ūñgī āñkhoñ meñ muskurā.ūñgī

    vo kyā gayā ki rifāqat ke saare lutf ga.e

    maiñ kis se ruuTh sakūñgī kise manā.ūñgī

    ab us fan to kisī aur se huā mansūb

    maiñ kis nazm akele meñ gungunā.ūñgī

    vo ek rishta-e-benām bhī nahīñ lekin

    maiñ ab bhī us ke ishāroñ pe sar jhukā.ūñgī

    bichhā diyā thā gulāboñ ke saath apnā vajūd

    vo so ke uTThe to ḳhvāboñ raakh uThā.ūñgī

    samā.atoñ meñ ghane jañgaloñ sāñseñ haiñ

    maiñ ab kabhī tirī āvāz sun na pā.ūñgī

    javāz DhūñD rahā thā na.ī mohabbat

    vo kah rahā thā ki maiñ us ko bhuul jā.ūñgī

    kamal-e-zabt ko KHud bhi to aazmaungi

    main apne hath se us ki dulhan sajaungi

    supurd kar ke use chandni ke hathon mein

    main apne ghar ke andheron ko lauT aaungi

    badan ke karb ko wo bhi samajh na paega

    main dil mein roungi aankhon mein muskuraungi

    wo kya gaya ki rifaqat ke sare lutf gae

    main kis se ruTh sakungi kise manaungi

    ab us ka fan to kisi aur se hua mansub

    main kis ki nazm akele mein gungunaungi

    wo ek rishta-e-benam bhi nahin lekin

    main ab bhi us ke ishaaron pe sar jhukaungi

    bichha diya tha gulabon ke sath apna wajud

    wo so ke uTThe to KHwabon ki rakh uThaungi

    samaaton mein ghane jangalon ki sansen hain

    main ab kabhi teri aawaz sun na paungi

    jawaz DhunD raha tha nai mohabbat ka

    wo kah raha tha ki main us ko bhul jaungi

    Videos
    This video is playing from YouTube

    Videos
    This video is playing from YouTube

    Unknown

    Unknown

    RECITATIONS

    Fahad Husain

    Fahad Husain

    Fahad Husain

    PARVEEN SHAKIR - KAMAAL E ZABT KO KHUD BHI Fahad Husain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY