kar gaya sad-para jo pal mein dil-e-naKHchir hai

kar gayā sad-pāra jo pal meñ dil-e-naḳhchīr hai

said-gāh-e-ishq se niklā huā ik tiir hai

ho gayā paivast paikāñ tīr-e-husn-e-yār kā

ye mirā hai ḳhvāb yā ā.īna-e-ta.abīr hai

qābil-e-tahsīn kab thī dāstāñ mai-ḳhvār kī

kuchh hai saaqī kā karam kuchh shoḳhi-e-tahrīr hai

kar nahīñ sakte ilaaj us kā tabībān-e-jahāñ

us marīz-e-ishq ko ye dard hī iksīr hai

jis ne dekhā ik nazar phir sochtā hī rah gayā

kitnā dilkash shaḳhs hogā jis kī ye tasvīr hai

phūñk de barq-e-tapāñ us ke qafas ko phūñk de

mubtalā-e-ishq jo hai vājib-e-ta.azīr hai

mil gayā 'gauhar' tumheñ bhī zīna-e-merāj-e-ishq

ġhair samjhe the ki terī aah be-tāsīr hai

kar gaya sad-para jo pal mein dil-e-naKHchir hai

said-gah-e-ishq se nikla hua ek tir hai

ho gaya paiwast paikan tir-e-husn-e-yar ka

ye mera hai KHwab ya aaina-e-tabir hai

qabil-e-tahsin kab thi dastan mai-KHwar ki

kuchh hai saqi ka karam kuchh shoKHi-e-tahrir hai

kar nahin sakte ilaj us ka tabiban-e-jahan

us mariz-e-ishq ko ye dard hi iksir hai

jis ne dekha ek nazar phir sochta hi rah gaya

kitna dilkash shaKHs hoga jis ki ye taswir hai

phunk de barq-e-tapan us ke qafas ko phunk de

mubtala-e-ishq jo hai wajib-e-tazir hai

mil gaya 'gauhar' tumhein bhi zina-e-meraj-e-ishq

ghair samjhe the ki teri aah be-tasir hai